Двор арт-прасторы на Талстога, 7 быў на цэлы дзень аддадзены музыкам, народным майстрам, гандлярам кнігамі. Традыцыйны фэстываль літаратуры і музыкі «Барадулінкі» прайшоў у Віцебску 25 чэрвеня.

Відэа, як хлопец кідаецца наўпрост пад танкі ля ЦУМу ў Менску падчас рэпэтыцыі параду, разышлося па сеціве і набыло вялікі розгалас. Імя героя гэтага відэа – Андрэй Ускоў, джазмэн зь Віцебску, які ў той дзень меўся выступаць (і выступіў) на Джазавым вечары.

Увесну 2017 году многія актывісты грамадзянскай супольнасьці, журналісты, праваабаронцы сутыкнуліся з затрыманьнямі і арыштамі. Карыстаючыся выпадкам, мы вырашылі даведацца пра ізалятары часовага ўтрыманьня (ІЧУ) Віцебскай вобласьці і зрабіць цыкль матэрыялаў пра ўмовы жыцьця людзей у гэтых установах. У чарговай частцы нашага цыклю пра свой досьвед знаходжаньня ў ІЧУ распавядае Віктар Стукаў.

26 чэрвеня, у 76-ю гадавіну забойства вязьняў глыбоцкай турмы «Беразьвечча», ля памятнага мэмарыялу на ўскраіне вёскі Мікалаева Шумілінскага раёну адбылася памінальная імша. Імшу адслужыў біскуп Віцебскай дыяцэзіі Алег Буткевіч.

Пасьля месячнага маўчаньня палітвязень Міхаіл Жамчужны даслаў ліст у адрас віцебскіх праваабаронцаў.

Кожны з падсудных, англічанін Алан Сьміт і двое грамадзян Беларусі, прамовіў сваё апошняе слова. Перад тым пракурор запатрабаваў для брытанскага падданага 6 гадоў зьняволеньня, для беларускіх грамадзян – па 5 гадоў. Судзьдзя абвясьціў перапынак да 10-й раніцы 29 чэрвеня.

Падчас сьвяткаваньня Дня гораду ў Віцебску вуліцамі езьдзіў аўтамабіль з партрэтам Ёсіфа Сталіна. Сьвяткаваньні адбываюцца ў гонар 1043-годзьдзя з дня першай згадкі пра Віцебск у летапісах.

Жыхары Аршанскага раёну пераплацілі 193 500 рублёў за работы па сыстэматычнай дэратызацыі, дэзінфэкцыі і дэзінсэкцыі, якія насамрэч не праводзіліся.

Да пазбаўленьня волі на тэрмін ад двух з паловай да трох з паловай гадоў прысудзіў суд Гарадоцкага раёну чатырох кіроўных работнікаў аднаго з прадпрыемстваў за перавышэньне службовых паўнамоцтваў і падробку.

Пра гісторыю Аксаны Юр'евай мэдыі распавялі у сакавіку 2016 году. У 23 гады дзяўчына страціла статус сіраты, не атрымала сацыяльнага жытла і неўзабаве павінна была стаць бамжом. Больш як год юрыст Ігар дапамагаў Аксане адстойваць у судох яе права на сацыяльнае жытло. Надоечы дзяўчына распавяла, што Аршанскі выканкам, згодна з рашэньнем суду, паставіў яе на ўлік маючых патрэбу.