У Віцебскай вобласці назіраецца класічны "перагрэў" у эканоміцы
Аб гэтым сведчаць празмерна высокія тэмпы эканамічнага росту, якія прыводзяць да рызыкі ўзнікнення і развіцця інфляцыйных працэсаў з-за неабгрунтаваных дзяржаўных расходаў. Валавы рэгіянальны прадукт вобласці за першыя тры месяцы вырас на 4%, а экспарт у Расію падрос на 17 працэнтных адзінак.
Больш за 800 выпадкаў парушэння бяспекі працы выяўлена летась на Лепельшчыне
Міжнародная арганізацыя працы адзначыла 28 красавіка Сусветны дзень аховы працы ў мэтах садзейнічання прадухіленню няшчасных выпадкаў і прафесійных захворванняў на працоўных месцах ва ўсім свеце. У сувязі з гэтай датай сайт лепельскай раёнкі lepel-kraj.by надрукаваў артыкул, дзе паведаміў дадзеныя пра выпадкі парушэнняў бяспекі працы ў раёне і ўвогуле па Беларусі.
Суд не дазволіў уладам займець пустуючы прыватны дом у камунальную ўласнасць
Суддзя суда Шаркаўшчынскага раёна Наталля Грыгор'ева 26 сакавіка адмовілася пазбавіць Андрэя Азаронка права ўласнасці на дом, размешчаны раённым цэнтры. Ініцыятарам на пераход прыватнай уласнасці ва ўладанне дзяржавы выступіў мясцовы раённы выканаўчы камітэт.
Маламерныя судны павінны прайсці тэхагляд. Інакш браслаўскія ўлады пагражаюць штрафамі
У мэтах забеспячэння бяспекі пры эксплуатацыі маламерных судоў у навігацыйны перыяд суднаўладальнікі абавязаны своечасова паклапаціцца аб тэхнічным стане сваіх маламерных судоў і прайсці іх тэхнічны агляд на тэрытарыяльным участку Дзяржаўнай інспекцыі па маламерных судах (ДІМС). Зазначыў дзяржаўны інспектар Браслаўскага ўчастка ДІМС Мікалай Сільчонак.
Па скарзе грамадзян улады заблакавалі антынавуковы медыцынскі опус
Днямі на інтэрнэт-платформе «Зручны горад» з'явілася петыцыя №5840, у якой мясцовыя актывісты прасілі чыноўнікаў Міністэрства аховы здароўя прыбраць антынавуковы артыкул з сайта Наваполацкай Цэнтральнай гарадской бальніцы, у якім сцвярджаецца аб наяўнасці прамой залежнасці «звышздольнасцяў» чалавека ад групы крыві. На думку складальнікаў петыцыі Міністэрства аховы здароўя Беларусі не прызнае наяўнасць медыумаў і празорцаў навукова даказаным фактам.
Грамадскасць перамагла: жылы квартал у двары віцебскай шматпавярхоўкі будаваць не стануць
Жыхары дамоў №12 і №12/1 па праспекце Будаўнікоў 13 красавіка даведаліся пра тое, што ў двары іх дома хочуць збудаваць квартал з трох пяціпавярховых дамоў, спраектаваных штучным інтэлектам і групай маладых архітэктараў. Іх спавясцілі пра гэта аб'явамі на пад'ездах, хаця афіцыйнага грамадскага абмеркавання гарвыканкам не абвяшчаў. Ідэя наконт «ушчыльнення», а па сутнасці, пазбаўлення прыдамавой тэрыторыі, мясцовым жыхарам катэгарычна не спадабалася. Яны стварылі ініцыятыўную групу і напісалі 8 зваротаў у розныя інстанцыі, сабраўшы пад імі подпісы.
За "рэабілітацыю нацызму" ў сацсетцы ўлады аштрафавалі сельгасрабочага
Суддзя суда Шумілінскага раёна Алена Сініцкая 5 красавіка за публічнае дэманстраванне ў сацыяльным медыя нацысцкай сімволікі і атрыбутыкі аштрафавала на 400 рублёў механізатара сельгаспрадпрыемства "Сіроцінскі" Сяргея Раманава.
Браслаўчане скардзяцца на ржавую ваду з пахам смуроду. Праблема існуе ўжо некалькі год
Ужо некалькі гадоў запар браслаўчан хвалюе якасць вады, якая цячэ з кранаў у іх дамах і кватэрах. Апошнім часам да скарг на перыядычна ржавую і з прымешкамі ваду дадаліся прэтэнзіі да смуроднага паху. Піша сайт braslav-star.by.
Палітзняволеную, ураджэнку Докшыччыны Аксану Ючкавіч асудзілі да трох гадоў «хатняй хіміі»
Да моманту вынясення выраку ў судзе Фрунзенскага раёна Мінска, каталіцкая актывістка тры месяцы адбыла за кратамі. Паводле рашэння суддзі Юліі Крэпскай, 34-гадовую Аксану Ючкавіч вызвалілі з-пад варты ў залі суду, прызнаўшы вінаватай паводле арт. 342 Крымінальнага кодэкса (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх).
У Глыбокім зноў новы начальнік РАУС
26 красавіка ў Глыбоцкім райвыканкаме адбылося прадстаўленне Дзехцяра, новага кіраўніка Глыбоцкага раённага аддзела ўнутраных спраў. Чарговы раз на гэтую пасаду прызначаюць не мясцовага чалавека. Яго папярэднік палкоўнік міліцыі Сяргей Стэльмах адпрацаваў там толькі паўтары гады. Аб прызначэнні паведаміў начальнік УУС Віцебскага аблвыканкама генерал-маёр міліцыі Андрэй Любімаў.