Загад пра гэта выдаў намесьнік дырэктара прадпрыемства па ідэалягічнай працы Сяргей Брыкун. Яго копію ў рэдакцыю charter97.org даслаў адзін з чытачоў. «Згодна з адношаньнем гарадзкога выканаўчага камітэту і распараджэньнем дырэктара заводу “Палімір” ААТ “Нафтан” А.В. Жэбіна, неабходна арганізаваць індывідуальную падпіску на першае паўгодзьдзе 2014 году ў адпаведнасьці з дадаткам, зьвярнуўшы асаблівую ўвагу на арганізацыю падпіскі сярод кіраўнікоў усіх узроўняў, уключаючы структурныя падразьдзяленьні», - гаворыцца ў загадзе.

Намесьніца старшыні суду Першамайскага раёну Віцебску судзьдзя Вольга Ільюшонак вынесла асобнае вызначэньне датычна першай намесьніцы кіраўніка адміністрацыі Першамайскага раёну Віцебску Таісіі Баглай (на фота) у сувязі з парушэньнем ёю дзеючага закону аб масавых мерапрыемствах. Прычынай, з-за якой суд пачаў разьбіральніцтва ў дачыненьні да высокапастаўленай чыноўніцы, стала скарга праваабаронцы Паўла Левінава.

ААТ «Полацак-Шкловалакно» наведаў Генэральны пракурор Рэспублікі Беларусь Аляксандар Канюк. Мэтай візыту былі сустрэча з працоўным калектывам прадпрыемства і правядзеньне прыёму грамадзян. Абвестка пра прыезд Аляксандра Ўладзімеравіча была вывешаная літаральна за суткі, і на прыём да яго запісалася ўсяго пяцёра завадчан з чатырох з паловай тысяч.

Экс-прэтэндэнт у кандыдаты на пасаду прэзыдэнта на выбарах 2010 году Сяргей Рыжоў заявіў, што 16 лістапада быў жорстка зьбіты ў віцебскім мэдвыцвярэзьніку. Яго даставілі туды ўвечары. Паводле ягоных словаў, прывязалі да крэсла і білі ў грудзі нагой. Паводле Сяргея Рыжова, гэтую справу зараз разьбірае Сьледчы камітэт.

Гэтая гісторыя распачалася ў сьнежні 2011 году. Многія жылі падрыхтоўкай да Калядаў і Новага году. І тое, што малады чалавек нападпітку трапіў у шпіталь, ні ў кога ня выклікала зьдзіўленьня. 27­-гадовы Алег Цімафееў увечары ў нядзелю выйшаў сустрэцца зь сябрам. Выпілі. Але дадому вярнуўся толькі раніцай. Зьбіты. «Мянты пабілі», — патлумачыў бацькам. А ўначы яго забралі ў шпіталь і праапэравалі. У шпіталі ён і памёр.

Тры заяўкі на пікеты – па адной у адміністрацыю кожнага з раёнаў Віцебску – падаў праваабаронца Павал Левінаў. Правядзеньне пікетаў заяўленае ў месцах, адмыслова адведзеных мясцовымі ўладамі пад масавыя мерапрыемствы. У кожнай з акцыяў, згодна з заяўкамі, возьме ўдзел толькі адзін чалавек. І кожная зь іх будзе працягвацца… адну хвіліну. Усё гэта павінна адбыцца 10 сьнежня – у Сусьветны дзень правоў чалавека.

Хрыстафор Жаляпаў і Аляксей Гаўруцікаў абскарджвалі пастанову Першамайскага райсуду, куды яны зьвярнуліся пасьля атрыманьня чарговай забароны на правядзеньне пікету. Як і раённы суд, калегія Віцебскага абласнога суду прызнала забарону законнай, але накіравала на перагляд справу ў той частцы, якая тычылася адмоваў ад супрацоўніцтва з актывістамі з боку міліцыі і цэнтральнай гарадзкой паліклінікі.

На прахадной ААТ “Полацак-Шкловалакно” ў пятніцу 15 лістапада быў выстаўлены сьцяг Свабоднага прафсаюзу Беларускага. Прафсаюз распаўсюджваў сваё інфармацыйнае выданьне «Мнение профсоюза». Прафсаюзны інфармацыйны дакумэнт раздаваўся рабочым, якія ішлі на зьмену і са зьмены.

Калісьці менавіта Лёзна называлі радзімай мастака. Цяпер дакладна вядома, што Марк Шагал нарадзіўся ў Віцебску, а ў Лёзьне жылі яго шматлікія сваякі, у тым ліку і дзядуля з бабуляй. Майстар пэндзьля ў аўтабіяграфічнай кнізе “Маё жыцьцё” пісаў: “Як я любіў прыязджаць у Лёзна, у твой дом, прапахлы сьвежымі каровінымі шкурамі! Барановыя мне таксама падабаліся. Уся твая амуніцыя вісела звычайна пры ўваходзе, каля самых дзьвярэй: вешалка з адзеньнем, капялюшамі, пугай і ўсім іншым глядзелася на фоне шэрай сьценкі, як нейкая фігура - ніяк не разгледжу яе як сьлед. І ўсё гэта мой дзядуля”.

Адмысловая камісія для вывучэньня ходу мадэрнізацыі ААТ “Віцебскдрэў” і праверкі выкананьня даручэньняў Аляксандра Лукашэнкі па пытаньнях дрэваапрацоўчай галіны створаная ў Віцебску, распавялі ў Камітэце дзяржаўнага кантролю па Віцебскай вобласьці. Задачай камісіі будзе правесьці аналіз ходу мадэрнізацыі ААТ “Віцебскдрэў”, знайсьці службовых асоб, вінаватых у зрыве тэрмінаў рэалізацыі праектаў мадэрнізацыі, якія дапусьцілі няякаснае выкананьне будаўніча-мантажных і праектных работ, і ўнесьці на разгляд міжведамаснай працоўнай групы прапановы пра прыцягненьне гэтых асоб да адказнасьці.