Алесь Бяляцкі – на волі!
Алесь Бяляцкі выйшаў на свабоду. Кіраўнік праваабарончага цэнтру «Вясна» патэлефанаваў жонцы Натальлі Пінчук і паведаміў, што ён вызвалены і едзе ў Менск на электрычцы з Бабруйску. Да канца яго тэрміну заставалася яшчэ больш за паўтара году, але Бяляцкага нечакана выпусьцілі па амністыі.
Зарэгістраваная чарговая скарга ў Камітэт ААН па правох чалавека
Упраўленьнем Вярхоўнага камісара ААН па правох чалавека зарэгістраваны зварот у КПЧ жыхара вёскі Буяны Віцебскага раёну Леаніда Здрэстава. Актывіст вымушаны быў зьвярнуцца ў міжнародны орган па абарону пасьля таго, як улады адмовілі яму ў дазволе на правядзеньне пікету, а ўсе судовыя інстанцыі, у якіх ён спрабаваў быў абскардзіць гэтую адмову, – ад Кастрычніцкага райсуду Віцебску да Вярхоўнага Суду Рэспублікі Беларусь – сталі на бок уладаў.
У Віцебскай вобласьці павялічваецца колькасьць вымушаных мігрантаў
Колькасьць замежнікаў, якія імкнуцца атрымаць у Віцебскай вобласьці статус уцекача, штогод павялічваецца. Пра гэта паведаміла на паседжаньні круглага стала па абмеркаваньні новага праекту Беларускага таварыства Чырвонага Крыжа (БТЧК) “Аднаўленьне сямейных сувязяў” галоўны спэцыяліст групы зьнешняй працоўнай міграцыі ўцекачоў ўпраўленьня па грамадзянстве і міграцыі УУС Віцебскага аблвыканкаму Вольга Лазарава.
Пакуль улады абяцалі адкрыць помнік Альгерду, пастамэнт пачаў развальвацца
Віцебскія ўлады чарговым разам абяцаюць усталяваць у Віцебску помнік князю Альгерду. Але гэта будзе ня той помнік, якога тут чакалі. За 4 гады, пакуль скульптуру вялікага князя абмяркоўвалі ды зацьвярджалі, памяняўся яе аўтар, зазнаў зьмены і сам праект.
Названыя самыя прыбытковыя прадпрыемствы Віцебшчыны
«Нафтан», «Веста» і «Полацактранснафта Дружба» сталі самымі прыбытковымі па выніках 2013 году сярод ААТ, якія працуюць на Віцебшчыне. Паводле інфармацыі Міністэрства фінансаў Рэспублікі Беларусь, у лік лідэраў увайшлі таксама вытворцы малочных прадуктаў, прамысловыя прадпрыемствы і адзін прадстаўнік аграрнага сэктару.
У Віцебску зьбіраюць подпісы пад пэтыцыяй за стварэньне безалькагольнай зоны
За пару дзён пэтыцыя на сайце www.change.org з просьбай зрабіць парк Фрунзэ і пойму Віцьбы безалькагольнай зонай, якая будзе накіраваная старшыню Віцебскага аблвыканкаму Аляксандру Косінцу, сабрала больш за паўтысячы подпісаў.
Жыхары Глыбокага змагаюцца за вяртаньне ім права на правядзеньне мітынгаў і пікетаў
Чатыры дзясяткі жыхароў Глыбокага падпісаліся пад калектыўным лістом у Савет Міністраў, дзе выкладзеная просьба аб ініцыяваньні звароту ў Канстытуцыйны суд з мэтай ацэнкі рашэньня Глыбоцкага райвыканкаму №167 “Аб вызначэньні месцаў для правядзеньня мітынгаў і пікетаваньняў” на адпаведнасьць Асноўнаму закону.
У Верхнядзьвінскім раёне - чарговая ўспышка афрыканскай чумы сьвіней?
Пра тое, што ў жыхароў аграгарадку Кахановічы Верхнядзьвінскага раёну зноў адбіраюць сьвіней, паведаміў сайту nn.by мясцовы жыхар Дзіма праз старонку “УКантакце”. Магчыма, прычына - чарговая ўспышка афрыканскай чумы сьвіней у раёне.
У Віцебскай вобласьці колькасьць зарэгістраваных на ЦТ абітурыентаў скарацілася на 10%
У Віцебскай вобласьці для ўдзелу ў цэнтралізаваным тэставаньні зарэгістраваліся 31 тыс. 331 чалавек, паведамілі ў абласной камісіі па кантролі за ходам падрыхтоўкі і правядзеньня ўступных выпрабаваньняў ва ўстановах вышэйшай і сярэдняй спэцыяльнай адукацыі.
У Полацку ахоўнік судзіўся з крамай
Суд Полацкy адмовіў у задавальненьні патрабаваньня работніка крамы аб вяртаньні яму грошай, утрыманых за нястачу тавару. Прадстаўнік крамы заявіў, што ніякіх утрыманьняў па нястачы з работніка не рабілася. Рабочы ж сьцьвярджаў, што зь ягонай зарплаты ўтрымалі 3 мільёны рублёў, але ніякіх квітанцыяў даць ня змог.