Скачуць скочкі. Жыхары віцебскай шматпавярхоўкі не ведаюць, што рабіць
Скочкі (па-руску «блохи») заўсёды лічыліся прыкметай антысанітарыі. Менавіта антысанітарны стан у падвалах стаў прычынай зваротаў жыхароў дома №117 корпус 1 па вуліцы Цітова ў Віцебску да камунальных службаў і ў гарвыканкам. Ад укусаў скочак яны пакутвалі ўсё лета, і з наступленнем восені нічога не змянілася.
Кіраўнікам у Верхнядзвінску прапанавалі весці ўлік прышчэпак і візітаў да лекараў у сваіх работнікаў
У раённым цэнтры прайшла чарговая сесія дэпутатаў райсавета, на якой разглядалася пытанне наконт санітарна-эпідэміялагічнай абстаноўкі ў раёне. Актуальнасць гэтага пытання палягае ў тым, што Верхнядзвінскі раён – памежны з тэрыторыяй Еўразвяза, таму варта засцерагацца «завазных інфекцый». І не толькі таму.
Жыхары Лёзна папрасілі прыбраць аварыйныя дрэвы. Замест гэтага вырубаюць усю алею
Жыхары вуліцы Чкалава ў райцэнтры Лёзна некалькі разоў звярталіся ў службу 115.бел, каб пад вокнамі дома №6 прыбралі некалькі дрэваў, якія нясуць небяспеку – яны старыя, і могуць нарабіць бяды ў ветранае надвор'е. Пасля некалькіх зваротаў дрэвы прыйшлі абследаваць спецыялісты, але здарылася неспадзяванка: аварыйнымі прызналі ўсю алею з 23-х дрэваў.
Супраць экс-палітзняволенай Эмы Сцепулёнак распачалі крымінальную справу за «абразу прадстаўніка ўлады»
Газета «Міёрскія навіны» паведаміла, што супраць «71-летней миорчанки 16 сентября возбуждено уголовное дело по статье 369 «Оскорбление представителя власти». Ранее пенсионерка уже была судима в том числе за подобное преступление. Очередной факт установлен в процессе изучения ее аккаунта в социальной сети». Гэтыя звесткі даюць падставы меркаваць, што крымінальную справу распачалі супраць Эмы Сцепулёнак, былой палітзняволенай, якая ў траўні 2023 года вызвалілася з калоніі, цалкам адбыўшы двухгадовы тэрмін зняволення.
Спачатку адабралі хату, цяпер выпісваюць «у нікуды»
Алену Янушкоўскую, блогерку і актывістку, якая была вымушана пакінуць Беларусь, праз суд выпісваюць з адзінага жытла. Справу пра «высяленне без прадастаўлення іншага жыллёвага памяшкання» сёння разбірае суд Віцебскага раёна ( суддзя Таццяна Лабацкая).
«Экстрэмісцкай» прызналі старонку ў Facebook рэдактара «Витебский курьер NEWS» Аляксандра Корнышава
Звесткі пра гэта ўключаны ў абноўлены Рэспубліканскі спіс экстрэмісцкіх матэрыялаў, які складае Міністэрства інфармацыі. Рашэнне аб прызнанні зместа старонкі "экстрэмісцкай інфармацыйнай прадукцыяй" 25 верасня прызнаў суд Кастрычніцкага раёна Віцебска.
Глыбоцкая міліцыя працягвае шукаць крамолу. За «распаўсюд экстрэмізму» асудзілі нават дэпутатку
30 верасня раённы суд Глыбокага разбіраў тры адміністрацыйныя справы па ч.2 арт.19.11. За «распаўсюд экстрэмізму» ў сацыяльных сетках судзілі ў тым ліку і дэпутатку Залесскага сельскага савета Інну Селезень. Жанчына кіруе прафсаюзнай суполкай сельскагаспадарчага прадпрыемства "Капыльшчына", дзе працуе дыспетчаркай. Пад суд трапілі і дзве кіраўніцы мясцовага фізкультурна-аздараўленчага цэнтра.
«Выхаваўчае мерапрыемства»? Асобаў, якія стаяць на ўліку ў наваполацкай крымінальна-выканаўчай інспекцыі, накіравалі прыбіраць смецце
«Бясплатную працоўную сілу» выкарысталі для прыбокі смецца ў яры, які знаходзіцца ў раёне вуліц Васілеўцы і Дзянісава. «Выхаваўчае мерапрымства», як назвалі яго ў мясцовай міліцыі, праводзілася без інструктажу па тэхніцы бяспекі, з удзельнікамі добраўпарадкавання не заключалася ніякіх працоўных дамоваў. Начальнік крымінальна-выканаўчай інспекцыі Наваполацкага ГАУС Іван Шаляковіч называе прымусовую працу асобаў, якія стаяць на ўліку, «дадатковымі прафілактычнымі захадамі».
Жыхары пасёлка льнозавода ў Лёзне рызыкуюць застацца без святла і вады
Такая рызыка існуе штодня, бо электрасеткі ў пасёлку належыць прадпрыемству-банкруту. «Яны даўно ўжо ў аварыйным стане, пры ветры часта бывае замыканне, і мы застаемся без электрычнасці, -- скардзяцца жыхары вуліц Кірава, Партызанскай, Гагарына. -- У працоўныя дні на заводзе нехта яшчэ можа ліквідаваць замыканне. А ў выходныя дні – бяда». Бо работнікі раённых службаў «ведамаснымі» праблемамі не займаюцца.
Бацькі просяць адмяніць будаўніцтва 16-павярховага дома пад вокнамі віцебскай СШ №45
Першы аргумент: гмах пад вокнамі істотна зменшыць узровень асвятлення ў класах. Другі аргумент: некалі на гэтым месцы абяцалі пабудаваць дзіцячы садок, але гэтае абяцанне засталося нявыкананым, хаця неабходнасць у дашкольнай дзіцячай установе для жыхароў вуліцы Чкалава па-ранейшаму актуальная.