Былую супрацоўніцу найбуйнейшага навінавага парталу, абвешчанага экстрэмісцкім, затрымалі ўвечары 28 ліпеня. Міліцыянты прычакалі спадарыню Таццяну на вакзале, калі яна вярталася з камандзіроўкі. Дома ў яе быў праведзены ператрус, а ў аддзеле міліцыі Кастрычніцкага раёну на журналістку склалі пратакол за нібыта несанкцыянаванае пікетаванне (арт. 24.23 КаАП). Гэтую ноч затрыманая правяла ў ІЧУ, верагодна, што 29 ліпеня Таццяну Матвееву будуць судзіць.

Ціну Палынскую, журналістку з Полацку, 17 чэрвеня выклікалі ў суд, дзе мусіў адбыцца працэс наконт яе допісаў у «Фэйсбуку» пра візіт патрыярха Кірыла. Суд не адбыўся, бо матэрыялы справы было вырашана накіраваць на дапрацоўку ў міліцыю. Цяпер жанчына атрымала афіцыйную паперу з Полацкага РАУС, што адміністрацыйную справу супраць яе скасавалі.

Апублікавана ў Свабода слова

17 чэрвеня ў судзе Полацку і Полацкага раёну над Цінай Палынскай мусіў адбыцца працэс за яе допісы ў "Фэйсбуку". Як сфармулявалі абвінавачанне, жанчына не ведае, таму што суд не адбыўся. Матэрыялы справы было вырашана накіраваць на дапрацоўку ў міліцыю.

Разгляд справы, распачатай паводле ч. 1 арт. 361-1 КК («Стварэнне экстрэмісцкага фармавання або ўдзел у ім»)  адбыўся 8 чэрвеня ў Магілёўскім абласным судзе. Суддзя Ігар Шведаў прызнаў журналіста вінаватым і прызначыў пакаранне ў выглядзе зняволення ў калоніі ўзмоцненага рэжыму на тэрмін 6 гадоў. Суд праходзіў у закрытым рэжыме.

Апублікавана ў Суд

Вядомая ў Віцебску журналістка Таццяна Мацвеева, якая працавала на партале навінаў TUT.BY, які быў закрыты беларускімі ўладамі ў 2021 годзе, вырашыла стаць блогерам. Аб гэтым яна напісала на сваёй старонцы ў  сацыяльнай сетцы Facebook.

Апублікавана ў Свабода слова

22 снежня ў Віцебску праходзіць беларуска-расейскі форум «Новыя медыя ў эпоху лічбавізацыі». Імпрэзу ладзяць Віцебскі абласны выканаўчы камітэт сумесна са Смаленскай абласной арганізацыяй «Расейскі саюз моладзі». Стала вядома, што форум часткова фінансуецца з гранту прэзідэнта Расейскай Федэрацыі Уладзіміра Пуціна.

Апублікавана ў Свабода слова

Журналістка паведаміла ў сваім блогу у Фэйсбуку аб тым, што выйшла з рэдакцыі найстарэйшага віцебскага выдання "Віцебскі кур'ер". Прычынай гэтага кроку стала немагчымасць ў цяперашніх грамадска-палітычных умовах рэалізаваць сябе ў журналісцкай прафесіі.

Апублікавана ў Свабода слова

Як стала вядома, яшчэ ў лютым 2021 году Камітэт па правах чалавека ААН зарэгістраваў пад нумарам 3884/2020 скаргу віцебскага журналіста Вячаслава Лазарава. Журналіст настойвае на тым, што беларуская дзяржава парушыла ягонае права на атрыманне і распаўсюд інфармацыі.

Апублікавана ў КПЧ ААН

Журналісту-фрылансеру давялося пяць гадзін правесці ў Першамайскім РАУС Віцебску. У выніку на яго склалі пратакол за ўдзел у несанкцыянаваным масавым мерапрыемстве, хоць ніякага «мерапрыемства» не было, паведамляе служба маніторынгу Беларускай асацыяцыі журналістаў.

Апублікавана ў Затрыманьні

Суд Кастрычніцкага раёну Віцебску 20 кастрычніка адправіў справу Вячаслава Лазарава, абвінавачанага ў незаконным вырабе і распаўсюдзе прадукцыі сродкаў масавай інфармацыі (ч.2 арт 22.9 КаАП), на дапрацоўку. Адміністрацыйную справу разбіраў суддзя Ілля Белавус.

Апублікавана ў Суд