Паўла Левінава дэлегавалі дзьве групы выбаршчыкаў, якія хацелі бачыць яго ў ліку чальцоў Першамайскай раённай выбарчай камісіі Віцебску і Віцебскай абласной камісіі.

У райсудзе Кастрычніцкага раёну Віцебску, на тэрыторыі якога знаходзіцца гарвыканкам, дзе праходзіла супольнае паседжаньне прэзыдыюму гарсавету і гарвыканкаму, разьбіралася пытаньне, чаму Паўла Левінава не ўключылі ў склад Першамайскай выбарчай камісіі.

“Выглядае, вылучэньне ў чальцы камісіі мела сплянаваны характар. Напрыклад, заявы ад груп грамадзян, якія вылучалі “патрэбнага” чальца камісіі, былі напісаныя як пад капірку – у кожным па 17 подпісаў і абсалютна, да коскі, аднолькавыя тэксты. Склалася ўражаньне, што падрыхтоўку сьпісаў рабіў ці адзін чалавек, ці нейкая адна структура. Аднак судзьдзя Алена Папкова вырашыла адмовіць у задавальненьні скаргі групы выбаршчыкаў, якія за мяне падпісваліся, – маўляў, галасаваньне праходзіла без парушэньняў, камісія сфармаваная ў адпаведнасьці з заканадаўствам”, – распавеў Павал Левінаў.

Падобны сцэнар рэалізаваўся і ў Віцебскім абласным судзе, дзе разьбіралася скарга групы выбаршчыкаў, якія дэлегавалі Паўла Левінава ў абласную выбарчую камісію.

“Да заявы з подпісамі грамадзян былі прыкладзеныя матэрыялы, якія мяне характарызуюць – ў прыватнасьці, пра мой досьвед удзелу ў выбарчых кампаніях як у Беларусі, так і за мяжой. Але на супольным паседжаньні аблсавету і аблвыканкаму былі агучаныя толькі прозьвішчы і спосаб вылучэньня. Думаю, што многія чыноўнікі, якія займаліся фармаваньнем камісіі, добра мяне знаюць, але ніхто за мяне не прагаласаваў. Двое “устрымаліся”. Судзьдзя Аляксандар Федзюкевіч аніякіх парушэньняў ня ўбачыў”, – сказаў Павал Левінаў.

23 ліпеня Глыбоцкі райсуд прызнаў Зьмітра Лупача вінаватым у парушэньні заканадаўства аб СМІ – часткі 2 артыкулу 22.9 Кодэксу аб адміністрацыйных правапарушэньнях (незаконны выраб і распаўсюд прадукцыі сродкаў масавай інфармацыі).

Паводле ўмоваў тэндэру, абвешчанага ЖКГ, помнік мусіць быць выраблены і ўсталяваны да траўня 2016 году. Гарвыканкам прапануе пералічваць грошы на помнік, бо яго трэба ўзьвесьці за пазабюджэтныя сродкі.

Тэндэр на мадэрнізацыю сайту Віцебскага абласнога выканаўчага камітэту разьмясьціла Галоўнае ўпраўленьне ідэалягічнай работы, культуры і па справах моладзі. Прыкладны кошт работ – 140 000 000 рублёў.

Жыхары вуліцы Пралетарскай зьвярнуліся ў Аршанскі раённы выканаўчы камітэт з патрабаваньнем абсталяваць вуліцу тратуарнай дарожкай. Распавядае Вольга Бугай, актывіст кампаніі «Добры горад»: Гэта ўжо ня першы зварот грамадзян наконт гэтага пытаньня. Фактычна вуліца Пралетарская знаходзіцца ў цэнтры гораду (200 мэтраў ад райвыканкаму), але прайсьці па ёй падчас бездаражы практычна немагчыма, пешаходы вымушаныя ісьці па цэнтры праезнай часткі.

Машына з нумарамі «Данецкай Народнай Рэспублікі» была заўважаная 17 ліпеня ў горадзе Дзісна Мёрскага раёну. Машыну бачылі на вул. Леніна. Цікава, як пускаюць у Беларусь аўто з нумарамі неіснуючай дзяржавы?

У цяперашні момант заснавальнік «Платформ інавэйшан», жыхар Віцебску Міхаіл Жамчужны рыхтуе скаргу ў Вярхоўны суд, знаходзячыся ў карцэры віцебскага СІЗА-2. Ён трапіў туды на 25 сутак, прычым ужо не ўпершыню. Паводле Жамчужнага, яму там «спакайней», бо ён мае магчымасьць застацца сам-насам і засяродзіцца на развагах наконт сваёй справы.

Кожная ініцыятыўная група па вылучэньні кандыдатаў у прэзыдэнты да 21 жніўня мусіць сабраць і падаць у выбарчыя камісіі сама меней 100 тысяч подпісаў. Згодна з каляндарным плянам арганізацыйных мерапрыемстваў па падрыхтоўцы і правядзеньні выбараў прэзыдэнта Рэспублікі Беларусь, этап збору подпісаў распачаўся 23 ліпеня, і ў першы ж дзень  у Віцебску прайшоў шэраг пікетаў па зборы подпісаў.

Гэта Кастусь Смолікаў, намесьнік старшыні абласной партыйнай арганізацыі. Ён адзначае, што такое здарылася нечакана - раней, колькі выбараў запар, у абласной выбарчай камісіі з апазыцыянэраў працавалі толькі прадстаўнікі Беларускай партыі левых «Справядлівы сьвет».

Леанід Сьвецік хацеў трапіць на першае паседжаньне выбарчай камісіі Кастрычніцкага раёну Віцебску. Але намесьнік старшыні Віцебскага гарвыканкаму Пётар Падгурскі заявіў, што ягоная прысутнасьць «непажаданая».