У аўторак, 29 лістапада, прызнаны беларускай праваабарончай супольнасьцю палітвязьнем Міхаіл Жамчужны быў заключаны ў ПКТ (памяшканьне камэрнага тыпу) тэрмінам на тры месяцы. Фармальнай прычынай такога пакараньня сталі сьведчаньні зьняволеных пра нібыта ўжываньне Жамчужным ненарматыўнай лексыкі падчас абмеркаваньня тэленавінаў.

Значная сума – 60,5 тыс. даляраў паступіць у аддзел адукацыі, спорту і турызму Гарадоцкага райвыканкаму. Гэта стала магчымым дзякуючы перамозе аддзелу ў конкурсе мясцовых ініцыятыў, накіраваных на прасоўваньне здаровага ладу жыцьця і прафіляктыку неінфекцыйных захворваньняў на мясцовым узроўні.

Высьветліць дэталі наконт знаходжаньня брытанскага грамадзяніна Алана Сьміта ў СІЗА № 2 Віцебску спрабаваў прадстаўнік Беларускага Хэльсынскага камітэту Павал Левінаў. Каб атрымаць неабходную інфармацыю, ён накіраваў шэраг запытаў ва ўпраўленьне Дэпартамэнту выкананьня пакараньняў па Віцебскай вобласьці. Аднак начальнік упраўленьня не адказаў па сутнасьці на ніводнае пытаньне праваабаронцы.

У Віцебску ў межах адукацыйнага курсу «Павышэньне арганізацыйнага патэнцыялу арганізацыяў і ініцыятыўных груп, якія разьвіваюць спэцыяльныя паслугі ў мясцовай супольнасьці» прайшоў трэнінг, прысьвечаны тэме стварэньня партнэрскай сеткі (нэтворкінгу) і тэме незалежнага пражываньня людзей з інваліднасьцю.

З чарговага ліста, атрыманага з папраўчай калёніі № 14, віцебскія праваабаронцы даведаліся, што палітвязень Міхаіл Жамчужны мае пяць парушэньняў рэжыму ўтрыманьня. Тры першыя ён паспрабаваў быў аспрэчыць у Барысаўскім раённым судзе. Аднак пабываць на судовых паседжаньнях Міхаілу Ігаравічу папрысутнічаць не ўдалося.

Судовы разбор паводле адміністрацыйнай справы чакае віцебскага апазыцыянэра за публічнае выражэньне сваёй любові да беларушчыны. На імпрэзу, прысьвечаную 86-й гадавіне Ўладзімера Караткевіча, ён прыйшоў з нацыянальным беларускім сьцягам, што зь меркаваньня праваахоўнікаў ёсьць парушэньнем заканадаўства.

У адпаведнасьці з рашэньнем Віцебскага райвыканкаму па пляне зносу лядашчага жытла ў 2013-2015 гадох трэба было разбурыць 51 такі дом. Зьнесьлі больш: у 2013 годзе 17, у 2014-м – 28, у 2015-м – 37. На пэрыяд 2016-2017 гадоў вырашана сьцерці з твару зямлі 68 старых дамоў, ужо зьнесена 44.

У Віцебску праваахоўнікі спынілі дзейнасьць незарэгістраванай рэлігійнай арганізацыі «Сусьветны духоўны ўнівэрсытэт Брахма Кумарыс», На думку праваахоўнікаў, арганізацыя мае прыкметы сэкты. Каля дзесяці пасьлядоўнікаў духоўнага індыйскага вучэньня прыцягнутыя да адміністрацыйнай адказнасьці.

У судзе Кастрычніцкага раёну Віцебску 23лістапада разглядалася скарга на рашэньне адміністрацыі Кастрычніцкага раёну Віцебску, якая пазбавіла бабулю права апякунства над сваім амаль 15-гадовым унукам. Пастанова суду: падстаў для скасаваньня рашэньня раённай адміністрацыі няма. Пажылая жанчына абураная такой пастановай і мае намер зьвярнуцца ў міжнародныя органы.

Старшыня райвыканкаму Генадзь Сабыніч на працоўнай нарадзе зьвярнуў увагу на шэраг хібаў у працы, накіраванай на рацыянальнае выкарыстаньне прыродных рэсурсаў на тэрыторыі раёну, і запатрабаваў ад суб'ектаў гаспадараньня забесьпячэньня на падведамных ім аб'ектах захаваньня патрабаваньняў прыродаахоўнага заканадаўства.