Aбвесткі  пра продаж з аўкцыёну дзвюх доляў у садовым доміку ў СТ «Хімік-1» каля  Наваполацка з’явіліся на сайце «БелЮрЗабеспячэння» ў жніўні мінулага году. Поводле інфармацыі на сайце гандлёвай пляцоўкі, адна палова  пабудовы належыць актывісту Андрэю Зуеву, другая - ягонай жонцы Таццяне. У 2024 годзе  Андрэй Зуеў быў завочна асуджаны да 7 з паловай гадоў зняволення ў калоніі ва ўмовах узмоцненага рэжыму  і да вялікіх матэрыяльных выплат. Зараз ён жыве ў вымушанай эміграцыі.