Сапраўднае імя спявачкі Яна Смаляга, яна ўраджэнка Барысава, жонка былога палітзняволенага Лявона Халатрана, у сям’і гадуецца чатырохгадовы сын. У Віцебску жывуць маці і бацька Лявона – абое лекары. Ен быў асуджаны паводле арт. 342 Крымінальнага кодэкса (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх) да двух гадоў «хіміі», выйшаў на волю сёлета ў траўні.

Iva Sativa – спявачка, папулярная ў моладзевым асяродку. Спявае па-беларуску ў адмысловым стылі, дзе спалучаюцца фольк, рэп і электронная музыка.

ROK’I PUB вядомая ў Віцебску ўстанова, дзе перыядычна ладзяцца канцэрты беларускіх выступоўцаў. Не выключана, што следам за затрыманнем заснавальнікаў гэтая кропка гарадскога культурніцкага жыцця будзе зачынена.

Жанна Жалейка