Сьледзтва прыйшло да высновы, што мужчына зрабіў гэта наўмысна, у сувязі з разглядам «канкрэтнай крымінальнай справы». Доступ да яго камэнтара мела неабмежаваная колькасьць карыстальнікаў. Да матэрыялаў справы далучылі вынікі лінгвістычнай экспэртызы і амбуляторнай судова-псыхіятрычнай экспэртызы. Крымінальная справа распачатая паводле артыкулу «абраза судзьдзі ў сувязі са зьдзяйсьненьнем ім правасудзьдзя» (арт. 391 КК).
Адзначаецца, што абвінавачаны цалкам прызнаў сваю віну. Мужчына тлумачыць свае дзеяньні тым, што судзьдзя раней двойчы разглядаў адміністрацыйныя справы і выносіў у адносінах да яго «суворае пакараньне». Абвінавачаны знаходзіцца пад падпіскай пра нявыезд. Матэрыялы крымінальнай справы ўжо перададзеныя пракурору і неўзабаве могуць зьявіцца ў судзе.