8 кастрычніка ў судзе Першамайскага раёну Віцебску прадстаўнікі апазыцыйных парый БНФ і АГП спрабавалі абскардзіць неўключэньне сваіх сябраў у склад участковых выбарчых камісій. Суд скаргі не задаволіў…

Віцебскі абласны суд 7 кастрычніка агучыў прысуд па справе аб забойстве з асаблівай лютасьцю (п.6 ч.2 арт.139 КК), якое было ўчыненае на адной з фэрмаў Шумілінскага раёну ў чэрвені 2019 году. У жорсткім забойстве вінавацілі 62-гадовага жыхара Шумілінскага раёну С. Мужчыну прызналі вінаватым і прысудзілі да 15 гадоў турмы.

Судовы працэс над віцяблянінам Дзьмітрыем Новікавым праходзіць у Дружкоўскім гарадзкім судзе Данецкай вобласьці Ўкраіны. 19 верасьня грамадзяніну Беларусі зачыталі абвінавачаньне. Новікава вінавацяць адразу па 4-х артыкулах Крымінальнага кодэксу Ўкраіны. Яму пагражае да 25 гадоў зьняволеньня.

Судовая калегія па крымінальных справах Віцебскага абласнога суду разгледзела апэляцыйныя скаргі былога старшыні абласной арганізацыі ЛДП Сяргея Ярмыкіна і ягонага паплечніка Юрыя Мярзьленкі на вырак суду Віцебскага раёну ад 27 траўня. Паводле яго яны атрымалі адпаведна 5 і 7 гадоў зьняволеньня за махлярства ў асабліва буйным памеры.