Так ці інакш, але спадара Хамайду ўсё ж прызналі вінаватым паводле ч.2 арт.19.11 КаАП, яму прысудзілі штраф памерам 15 базавых велічын. І адразу пасля суду зноўку завезлі ў пастарунак, дзе склалі новы адміністрацыйны пратакол. Уручылі і позву на наступны суд, які мае адбыцца ў наступны панядзелак, 5 лютага.

Супрацоўнікі Першамайскага РАУС не знайшлі нічога лепшага, каб «адвесіць» камплімент сталаму чалавеку, якога толькі што аштрафавалі на суму, роўную ягонай пенсіі. «Шыкоўна выглядаеце», -- пачуў ад міліцыянтаў 76-гадовы актывіст. «Госпадзе! Дай мне сілы спакойна успрымаць падзеі, ход якіх я пакуль не магу змяніць», -- напісаў Барыс Ханонавіч на сваёй старонцы ў Фэйсбуку, каментуючы апошнія падзеі.

Міхаіл Абрамаў