Згодна з пратаколам аб адміністрацыйным правапарушэнні, работнікі РАУС устаноўлена, што мужчына ў сацыяльнай сетцы "Facebook" ("Meta") на сваім акаўнце размясціў публікацыю, звязаную з грамадска-палітычным жыццём у якім мелася яго фатаграфія з выявай сцяга бел-чырвона-белага колеру.

Гэты факт міліцыянты расцанілі як "пікетаванне без адпаведнага дазволу выканаўчых і распарадчых органаў, чым з'яўляючыся ўдзельнікам дадзенага масавага мерапрыемства". Пры гэтым у пратаколе нічога не сказана, да якой даты Андрэй размяшчаў фотаБЧБ на сваім акаўце ў сацыяльнай сетцы.

Тым не менш судом устаноўлена, што да моманту разгляду справы скончыўся двухмесячны тэрмін, на працягу якога было магчыма прыцягненне Прыстаўкі да адказнасці за адміністрацыйнае правапарушэнне па арт. 24.23 КаАП.

Ягор Уткін