У судзе мясцовыя работнікі міліцыі прад'явілі доказы таго, што Іванова з 2018 па 6 ліпеня 2023 года ў сацыяльнай сетцы «Аднакласнікі» захоўвала і распаўсюджвала інфармацыйнаю прадукцыю - інтэрнэт-старонку з назвай «Symbalby», уключаную ў рэспубліканскі спіс экстрэмісцкіх матэрыялаў.

І хаця «правапарушальніца» не прызнала віну, суддзя Саян пастанавіла на падставе ч. 2 арт. 19.11 КаАП пакараць яе штрафам у даход дзяржавы ў памеры 30 базавых велічыняў з канфіскацыяй прадмета адміністрацыйнага правапарушэння і сродка ўчынення правапарушэння - мабільнага тэлефона.

Жанна Яршова