Справу пробашча парафіі святога Уладзіслава ў Віцебску ксяндза Віктара Жука, грэка-каталіцкага святара Аляксея Варанко, а таксама іх сябра Аляксея Каракова разбіраў праз скайп суддзя Міхаіл Юрчанка. Міліцыянты абвінавацілі іх у правядзенні несанкцыянаванага пікетавання (арт. 23.34 КаАП). 

Святары сцвярджалі на працэсе, што ніякага пікетавання не ладзілі, а маліліся за беларускі народ. Праз тое, што ў матэрыялах бракавала неабходных звестак, суддзя вярнуў адміністрацыйныя справы на дапрацоўку ў Першамайскі РАУС Віцебску.

Святары пасля сутак, праведзеных у СІЗА-2 (менавіта там зараз размяшчаецца ізалятар часовага ўтрымання) выйшлі на волю.

Калі адбудзецца суд па дапрацаваных пратаколах, пакуль невядома.

Зміцер Міраш