Пяць раёнаў Віцебшчыны трапілі ў сьпіс асноўных праектных пляцовак, якія будуць рэалізоўваць мерапрыемствы, што прадугледжваюць укараненьне падыходаў тэрытарыяльна-арыентаванага разьвіцьця (ТАР), а таксама праводзіць Асноўны конкурс мясцовых ініцыятываў ПРААН. «Трыццатка» пілётнікаў зацьверджаная Каардынацыйнай Радай праекту ЭЗ/ПРААН па спрыяньні мясцоваму разьвіцьцю ў Беларусі.

Вольга Пашковіч з Глыбокага нібыта прадала піва непаўналетняй, і адміністрацыйная камісія райвыканкаму прысудзіла ёй штраф у памеры больш за 4 мільёны рублёў. Прадавачка не пагадзілася з рашэньнем пра штраф, і зьвярнулася ў пракуратуру. Вынік звароту: пракуратура апратэставала пастанову камісіі, і цяпер суд накіраваў справу на перагляд.

Праект рашэньня Полацкага раённага савету дэпутатаў выносіўся на 17 сэсію райсавету старшынём пяршоўкі Свабоднага прафсаюзу рабочых ААТ «Полацак-Шкловалакно» Віктарам Стукавым. Аднак райсавет адмовіўся разглядаць прапанаваны прафсаюзным лідэрам праект, і рашэньне аб наладжваньні сацыяльнага партнэрства і выкананьні забавязаньняў ураду Беларусі прынятае не было.

«Мама, я хачу нарадзіцца!» – выстава пад такой назвай будзе доўжыцца ў арт-цэнтры VZAP да 10 студзеня. Яе арганізатар – ініцыятыўная суполка «Лінія жыцьця» па падтрымцы цяжарных жанчын, якія знаходзяцца на мяжы аборту.

Пасьля эксгумацыі чалавечых парэшткаў зь няўлічанага пахаваньня ля вёскі Хайсы салдатамі 52-га асобнага спэцыялізаванага пошукавага батальёну распачалася прапагандысцкая кампанія па залічэньні невядомых ахвяраў на рахунак нямецкіх акупантаў.  Жыхары навакольных вёсак, якія суадносяць іх з часамі сталінскіх рэпрэсіяў, абураныя: яны мяркуюць, што ўлады нахабна скажаюць гістарычную праўду.

У Полацку ў будынку суду ідзе рамонт. Новая шыльда на фасадзе суду Полацкага раёну і гораду Полацку зь ліпеня 2015 году падкрэсьлівае веліч «Палаца правасудзьдзя». Будынак новай канструкцыі мае пандус для наведваньня суду грамадзянамі з абмежаванымі магчымасьцямі (вазочнікамі), што таксама сьведчыць пра разуменьне праблемы безбар'ернага асяродзьдзя. Аднак доўгае знаходжаньне ў судзе інвалідаў не прадугледжанае.

Урад Беларусі плянуе прыцягнуць амаль 52 мільёны даляраў крэдыту на мадэрнізацыю Аршанскага льнокамбінату. Пазыку дзяржава мяркуе ўзяць у кітайскім экспартна-імпартным банку (Эксім-банк) - фактычна ў цэнтральнага ўраду КНР. Чакаецца, што крэдыт будзе ўзяты на 15 гадоў для рэалізацыі другога этапу мадэрнізацыі прадпрыемства з пашырэньнем вытворчасьці.

Напрыканцы мінулага году начальнікам аддзелу аховы правапарадку і прафіляктыкі АУС адміністрацыі Чыгуначнага раёну Віцебску маёрам міліцыі Аляксандрам Рыбаковым была спыненая вытворчасьць па адміністрацыйнай справе ў дачыненьні да праваабаронцы Валера Місьнікава. Прычына такога рашэньня – адсутнасьць у дзеяньнях грамадзянскага актывіста складу адміністрацыйнага правапарушэньня.

З той нагоды, што віцебская суполка грамадзкага аб'яднаньня “Беларуская асацыяцыя журналістаў” перамагла ў конкурсе на найлепшую філію 2015 году, яе куратар, Алена Сьцяпанава, адказала на некалькі пытаньняў для чытачоў нашага сайту.

Віцебскі раённы выканаўчы камітэт, разгледзеўшы калектыўны зварот мясцовых актывістаў КХП-БНФ, паведаміў, што раскопкі, якія праводзіліся ў кастрычніку – лістападзе 2015 году ў лясным масіве каля вёскі Хайсы сіламі 52-га асобнага спэцыялізаванага пошукавага батальёну, не далі адназначнага адказу на пытаньне пра тое, хто, калі і пры якіх акалічнасьцях быў расстраляны і таемна пахаваны ў лесе.