Адным зь першых на Віцебшчыне выканаўчы камітэт Віцебскага раёну вызначыўся зь месцамі, у якіх забаронена правядзеньне пікетаваньняў для збору подпісаў па вылучэньні кандыдатаў у прэзыдэнты Рэспублікі Беларусь.

Выконваючая абавязкі старшыні Мазалаўскага сельскага выканаўчага камітэту Кацярына Каралёва шукае сустрэчы з апазыцыйнымі актывістамі, якія пры канцы красавіка паведамілі ў прэсе пра новыя знаходкі чалавечых парэшткаў з прыкметамі гвалтоўнай сьмерці ў лесе ў ваколіцах вёскі Хайсы Віцебскага раёну.

Глыбоцкі журналіст Зьміцер Лупач распавёў, што прадстаўнікі КДБ схілялі яго да супрацоўніцтва – каб ён паведамляў падрабязнасьці пра тутэйшых актывістаў, пра сустрэчы зь сябрамі грамадзкага аб’яднаньня “Беларуская асацыяцыя журналістаў” і пра апазыцыйную актыўнасьць у рэгіёне.

10 ліпеня Віцебскім абласным судом быў вынесены прысуд заснавальніку ПКПУ «Платформ инавэйшан» Міхаілу Жамчужнаму. Паводле рашэньня суду праваабаронца правядзе 6 гадоў у калёніі строгага рэжыму, таксама на 2 гады і 8 месяцаў Міхаіл пазбаўлены права выконваць арганізацыйна-прававыя функцыі. Раней пракурор запрасіў для Міхаіла 7 гадоў пазбаўленьня волі.

8 ліпеня незалежнай журналістцы з Глыбокага Тацьцяне Смоткінай патэлефанавалі з раённага суду і сказалі, што 9 ліпеня суд не адбудзецца, бо ён пераносіцца. Справу аддалі на дапрацоўку ў міліцыю, паперы адтуль яшчэ не прыйшлі. Тацьцяне паведамілі, што пра новую дату суду паведамяць пазьней – патэлефануюць, або нейкім іншым чынам.

Фанаты футбольных клубаў “Нафтан”, “Белшына” і “Віцебск” байкатуюць хатнія матчы клюбаў, паведамляе інтэрнэт-рэсурс Belultras.by у сваім Твітары. Паводле інфармацыі сайту футбольных заўзятараў, да акцыі можа далучыцца і фан-група менскага „Дынама”. Байкатуючы гульні любімых каманд, заўзятары пратэстуюць супраць неадэкватных дзеяньняў міліцыі ў час футбольных матчаў.

У Наваполацку мясцовыя ўлады забаранілі правядзеньне 16 ліпеня на Плошчы Будаўнікоў пікетаваньня з мэтай інфармаваньня грамадзян аб наяўнасьці ў Беларусі палітвязьняў. Пра гэта гаворыцца ў адказе за подпісам намесьніка старшыні Наваполацкага гарвыканкаму Альберта Шакеля актывісту аргкамітэту БХД Андрэю Гайдукову.

У Глыбокім нельга зьбіраць подпісы за вылучэньне кандыдатаў на прэзыдэнцкія выбары бліжэй як за 50 мэтраў ад устаноў і арганізацыяў. У іншых райцэнтрах – бліжэй чымся за 20. У асобных рэгіёнах адлегласьці ня вызначалі, аднак увялі куды больш жорсткія абмежаваньні.

Гісторыя зь «лістамі шчасьця» ад Міністэрства інфармацыі шэрагу сайтаў ня скончылася. У Наваполацку міліцыя працягвае пошукі ўладальніка сайту freeregion.info, апытваючы суседзяў і сваякоў Вадзіма Драздова.

Гэта ўжо другая спроба разгледзець адміністрацыйную справу незалежнага журналіста. Як паведамілі яму ў тэлефоннай размове, працэс мае распачацца ў чацьвер, 23 ліпеня, а 14:30 у Глыбоцкім райсудзе.