Аўтары папулярнага ў Швэцыі падручніка для журналістаў-фрылянсэраў Фрэдрык Нэйман і Мікаэль Берлінг 13 траўня наведалі Віцебск і падзяліліся са сваімі калегамі зь Беларускай асацыяцыі журналістаў досьведам пасьпяховай журналістыкі ў сыстэме фрылянсу.

Чарговым домам, жыхары якога адмовіліся ад паслуг камунальнага прыбіраньня сваіх пад'ездаў работнікамі ЖРЭТу, стаў дом №17 па вуліцы Люднікава. Флягманамі гэтай ініцыятывы сталі грамадзяне, што пражываюць у пад'езьдзе нумар чатыры, якія хочуць ператварыць яго ў «пад'езд узорнага парадку».

Некалькі дзён таму журналісты незалежнага тэлеканалу “Белсат” здымалі сюжэт для перадачы “Людзкія справы” ў вёсцы Вялікія Сітцы, што ў Докшыцкім раёне, дзе работнікі мясцовага сельскагаспадарчага прадпрыемства “АграСітцы” не атрымлівалі заробкаў з восені 2015 году. Не пасьпеў сюжэт яшчэ выйсьці ў этэр, як мясцовыя ўлады адрэагавалі на работу журналістаў.

Жыхар Лепеля, зьяўляючыся інвалідам другой групы і ня маючы судзімасьці, зьдзейсьніў дзеяньне злачыннага характару ў дачыненьні да жыхаркі раённага цэнтру. Хочучы адпомсьціць жанчыне, ён вырашыў падпаліць яе хату.

Полацкі раённы выканаўчы камітэт і Самакіраваньне Лудзенскага краю (Латвія) падпісалі пагадненьне аб супрацоўніцтве і садружнасьці. Гістарычны дакумэнт быў падпісаны 30 красавіка ў Сафійскім саборы ў рамках візыту ў гэты рэгіён Віцебшчыны латыскай дэлегацыі ў складзе старшыні думы Лудзенскага краю Аліны Гендэле, а таксама дзяцей з гораду Люцын.

У Чашніках клапатлівая бабуля «стуканула» на свайго ўнука, знайшоўшы ў яго пакет зь невядомым на той момант для яе зьмесьцівам. Адразу западозрыўшы нядобрае, што нашчадак ужывае наркатычныя рэчывы, жанчына зьвярнулася ў міліцыю.

Старшыня Віцебскага аблвыканкаму Мікалай Шарстнёў незадаволены працай мясцовых органаў улады са зваротамі грамадзян. Пра гэта кіраўнік вобласьці заявіў 14 траўня па выніках наўпроставай лініі з жыхарамі рэгіёну.

На звычайных сельскіх могілках ў 20 кілямэтрах ад Віцебску два пэнсіянэры стварылі невялічкі «музэй» старажытных пахавальных абрадаў крывічоў. Тут паказаныя традыцыі, з дапамогай якіх у розныя часы нашы продкі пазначалі пахаваньні: дамавіна, курган, намагільныя слупы, каменныя крыжы. Аднак пра гэтую ўнікальную рэканструкцыю ведаюць толькі мясцовыя жыхары, гісторыкі і краязнаўцы.

Палітвязень Міхаіл Жамчужны ў лісьце на волю паведамляе пра апошнія падзеі і ўмовы ўтрыманьня ў папраўчай калёніі №14.

Палітвязень Павал Севярынец лічыць сьвята 9 траўня – сьвятам са сьлязамі ў вачох. Павал згодны з публіцыстам Алесем Чайчыцам, што 9 траўня – гэта “ідэалягічны кастыль для безыдэйных рэжымаў”. Паводле ягоных слоў, дзясяткі гадоў акцэнт рабілі на перамозе: “Але на тым, якім коштам далася гэтая перамога – ужо менш, на тым як пацярпелі ўсе мы – яшчэ менш. Пра тое, хто разьвязаў Другую сусьветную вайну, а падпальшчыкамі яе былі Сталін і Гітлер, увогуле гэты факт хавалі. Тое, што беларусы апынуліся паміж молатам і кавадлам у гэтай вайне, – гэта таксама факт”.