Грамадзкія актывісты Полацку пачалі збор грошай на выраб і ўсталяваньне драўлянага крыжа ў мэмарыяле Курапаты пад Менскам, дзе ляжаць расстраляныя беларускія ахвяры сталінскага тэрору. Ініцыятыва была агучаная полацкімі актывістамі 8 верасьня на сьвяткаваньні Дня беларускага славы. Збор сродкаў ідзе як гатоўкай, так і пералікам на рахунак Свабоднага прафсаюзу рабочых заводу «Шкловалакно».

У Віцебску ў межах «Тыдня беларускага мысьленьня» прайшоў круглы стол пад даволі філязофскай назвай «Хваліць нельга лаяць: што ў Беларусі ня так зь лідэрамі думак».

Пэдыятрычная амбуляторыя лекараў агульнай практыкі зьявіцца ў мікрараёне Білева. Перамогай віцебскіх актывістаў называе гэты факт каардынатарка ініцыятывы “За якасную мэдыцыну для ўсіх” Тацяна Севярынец.

З мэтай натхніць дзяўчат на новыя зьдзяйсьненьні ў межах адукацыйнага туру ў Віцебск прыехала каманда праекту «Жаночая справа». На тэматычным варкшопе ўвечары і на нефармальным сьняданку раніцай з аднадумцамі экспэрткі распавялі будучым бізнэсвумэн, што ж трэба для эфэктыўнага запуску ўласнага праекту, і параілі, як лепш гэта зрабіць.