Праверку дзейнасьці т.зв. Генэральнага савету па стварэньні грамадзкага аб'яднаньня «За сумленную ўладу» на прадмет парушэньня яго лідэрамі артыкулу 193-1 Крымінальнага кодэксу ладзіць Кастрычніцкі РАУС Віцебску. Калі ў выніку будзе выяўлена, што прыхільнікі «Сумленнай улады» зьдзейсьнілі злачынства, прадугледжанае згаданым артыкулам КК, ім пагражае пакараньне штрафам, арыштам ці пазбаўленьнем волі на тэрмін да 2-х гадоў.

У 2015 годзе ў абласным цэнтры зарэгістравана 75 злачынстваў карупцыйнай накіраванасьці, што на 10 больш, чымся ў 2014-м. 54 зь іх – хабары і падбухторваньні да іх даваньня (было 40).

На галоўнай плошчы гораду былі сабраныя практычна ўсе войскі віцебскага гарнізону. Яны выстраіліся на плошчы Перамогі разам з баявой тэхнікай у складзе васьмі БМП-80.

Сябры створанай мясцовымі ўладамі камісіі па ўшанаваньні памяці абаронцаў Айчыны і ахвяраў войнаў сустрэліся з грамадзкасьцю. Сустрэча адбылася 12 лютага ў памяшканьні Мазалаўскага сельскага савету. Яна стала рэакцыяй уладаў на калектыўны зварот у выканкам Віцебскага раёну ініцыятараў стварэньня грамадзкага аб'яднаньня «Хайсы».