17 лютага ў Віцебскай абласной бібліятэцы ў межах праграмы “Разам да справы” прайшоў рэгіянальны прэс-клюб. Яго арганізатарамі выступілі грамадзкая культурніцкая кампанія “Будзьма беларусамі!” і Цэнтар дасьледаваньня грамадзкага кіраваньня SYMPA.

У Віцебску 16 лютага прайшоў трэнінг па рэгістрацыі і функцыянаваньні некамэрцыйных арганізацыяў. Мерапрыемства, арганізатарам якога выступілі Цэнтар прававой трансфармацыі (Lawtrend) і Асамблея няўрадавых дэмакратычных арганізацыяў, сабрала актывістаў з Воршы, Наваполацку, Віцебску.

Віцебскія вернікі-каталікі просяць прэзыдэнта паспрыяць у вырашэньні пытаньня аб вяртаньні ў Беларусь ксяндза Паўла Кнурэка – пробашча парафіі Езуса Міласэрнага ў Віцебску. Пад зваротам да Лукашэнкі падпісаліся 465 чалавек.

Гісторыя адной сям’і часам адлюстроўвае лёс усёй Айчыны. Чаму маладыя і здаровыя беларусы пакідаюць Беларусь? Калі гэтыя “ўцёкі” пачаліся і ці спыняцца ў будучыні? Сваімі ўласнымі развагамі на гэты конт дзеліцца наш сталы аўтар С. Горкі.

Маральныя пакуты, якія прычыняюць супрацоўнікі сілавых структур, нічым ня лепшыя за фізычныя катаваньні. Праваабарончы цэнтар “Вясна” прадстаўляе чарговы матэрыял ў межах мультымэдыйнага праекту #БезПраваНаРасправу.

Маці асуджаных паводле артыкулу 328 КК (Незаконны абарот наркатычных сродкаў) накіравалі зварот прэм’ер-міністру Беларусі, старшыні ПП НС ды іншым службовым асобам. У лісьце заклікаюць скасаваць сумна вядомы Дэкрэт №6 (ад 28 сьнежня 2014 году), гуманізаваць арт. 328 і абвясьціць амністыю.

У Віцебску зьмяніўся парадак правядзеньня масавых мерапрыемстваў. Гэта вынікае з адказу, які атрымаў на свой зварот да гарадзкіх уладаў праваабаронца Леанід Сьвецік. 

На Дзень Волі - 2018 Мікола Качурэц узьняў ля помніку Альгерду ў Віцебску бел-чырвона-белы сьцяг, быў затрыманы і аштрафаваны судом Кастрычніцкага раёну на 30 б.в. (23.4 КаАП і  23.34 КаАП). А 4 лютага 2019 году віцяблянін  атрымаў копію пастановы аб скасаваньні справы і касавы чэк – для вяртаньня грошаў, сплочаных за штраф.

У грамадзтве заўсёды знойдзецца група ці сацыяльная катэгорыя людзей, якая кантактуе з праваахоўнікамі часьцей за астатніх: людзі бяз пэўнага месца жыхарства, бяздомныя, вулічныя музыканты ды іншыя. Некаторыя сутыкаюцца з ахоўнікамі парадку прыпадкова, а для кагосьці гэта адбываецца ўпершыню... Дык як паводзіць сябе, калі вас затрымлівае міліцыя?

Віцебскія прадпрымальнікі, якія працуюць у гандлёвым цэнтры “Эвіком”, атрымалі сёньня пісьмовы адказ на свой зварот да кіраўніцтва цэнтру, у якім прасілі не пазбаўляць іх працоўных месцаў. Зварот яны напісалі пасьля таго, як даведаліся, што ім давядзецца саступіць свае месцы крамам расейскай сеткі “Плянэта Адзеньне Абутак”, якая мелася прыйсьці на “Эвіком”.