Згодна з планам мерапрыемстваў па зносе непрыдатных і неэксплуатаваных будынкаў і пабудоў сельгасарганізацый, у 2023 годзе на тэрыторыі вобласці неабходна было знесці 177 аб'ектаў. За дзевяць месяцаў прыбралі толькі 38. недастатковую работу ў гэтым напрамку адзначылі на пасяджэнні калегіі Камітэта дзяржкантролю вобласці ў кастрычніку.

У выніку прынятых мер у кастрычніку-снежні знеслі яшчэ 49 аб'ектаў у шэрагу раёнаў: у Полацкім - 10, Браслаўскім і Докшыцкім - па чатыры, Глыбоцкім, Гарадоцкім, Аршанскім, Пастаўскім, Чашніцкім, Шаркаўшчынскім - па тры, Лепельскім, Лёзненскім, Талачынскім, Бешанковіцкім – па два, Мёрскім, Шумілінскім і Верхнядзвінскім – па адным.

Як паведамляюць у Дзяржкантролі Віцебшчыны, за непрыняцце мер па зносе непрыдатных і неэксплуатаваных будынкаў і пабудоў сельгасарганізацый да дысцыплінарнай адказнасці прыцягнутыя службовыя асобы ў Браслаўскім, Глыбоцкім, Гарадоцкім, Докшыцкім, Лепельскім, Сенненскім, Талачынскім, Ушацкім, Шумілінскім.

Барыс Мінкін