Аршанцы хочуць ведаць, што робяць для захаваньня помніку архітэктуры яго гаспадары
Мінулай восеньню аршанскія краязнаўцы накіравалі да Мітрапаліта Філарэта калектыўны ліст. Яны прасілі, каб ён паспрыяў справе захаваньня помніку архітэктуры 18 стагодзьдзя, былога будынку базыльянскага кляштара. Атрымалі адказ і ад яго самога, і ад “адказных за адраджэньне Сьвята-Пакроўскага манастыра ў Воршы” ігуменьні Анфісы (Любчак) і манахіні Даніілы (Цяцьковай). Апошнія даслалі “справаздачу” пра дзейнасьць па захаваньні помніку архітэктуры за апошнія 8 год, у якой няма і дзесятку пунктаў.
Намесьніка гендырэктара «Віцебскэнерга» вінавацяць у злоўжываньні службовымі паўнамоцтвамі. Ідзе сьледзтва
Прэтэнзіі Сьледчага камітэту, які завёў крымінальную справу паводле ч.3 арт.424 КК «Злоўжываньне ўладай ці службовымі паўнамоцтвамі, зьдзейсьненае службовай асобай, якая займае адказнае становішча», тычацца ранейшай працы гаспадарніка, які займаў пасаду дырэктара аграрнага прадпрыемства Віцебскай вобласьці.
Свабодны прафсаюз змагаецца супраць дыскрымінацыі на “Шкловалакне” (відэа)
Размова аб парушэньні наймальнікам ААТ «Полацак-Шкловалакно» ўказу прэзыдэнта аб сацыяльным партнэрстве адбылася на сустрэчы старшыні Свабоднага прафсаюзу заводу Віктара Стукава зь першым намесьнікам старшыні аблвыканкаму Ўладзімерам Навацкім на прыёме ў аблвыканкаме. Парушэньні палягаюць у забесьпячэньні розных сацыяльных гарантыяў для працоўных адной і той жа прафэсіі на заводзе «Шкловалакно», што супярэчыць ўказу № 278.
На «Нафтане» распачалося схаванае скарачэньне?
Цэхі «Нафтану» выводзяць у асобнае унітарнае прадпрыемства. У Беларускім Незалежным прафсаюзе (БНП) гэта расцэньваюць як схаванае скарачэньне.
Як звычайна – вінаватыя стрэлачнікі
Судзьдзя Валянціна Кавалёва задаволіла скаргу актывісткі незалежнага прафсаюзу РЭП былой кладаўшчыцы складу № 2 гатовай прадукцыі ААТ «Віцебскмясамалпрам» Алены Шандзюковай на пастанову аб адмове ва ўзбуджэньні крымінальнай справы. Названая пастанова была вынесеная опэрупаўнаважаным АБЭЗ АУС адміністрацыі Чыгуначнага раёну Віцебска Р. Беразьнёвым. Суд абавязаў міліцыю належна правесьці праверку фактаў нястачы таварна-матэрыяльных каштоўнасьцяў на суму каля 85 мільёнаў рублёў.
Апазыцыйны кандыдат скардзіцца на працу выбарчых камісіяў (відэа)
Сябра партыі левых «Справядлівы сьвет», падпалкоўнік у адстаўцы Вадзім Кузьмін падвяргаецца дыскрымінацыі з боку Віцебскай гарадзкой і акруговай выбарчых камісіяў. Пра гэта заявіў сам кандыдат, які вылучаецца адначасова ў гарадзкі і абласны Саветы дэпутатаў.
Гендырэктар «Марко»: Дзяржава адбірае большую частку прыбытку і навязвае стратныя прадпрыемствы
Два апошнія гады дзяржава актыўна стварала ў беларускай прамысловасьці голдынгі. Гэты працэс ішоў паводле схемы: да пасьпяховага прадпрыемства прывязваліся стратныя, каб яны разам маглі ўтрымацца на плаву. Вялікія пляны ў дзяржавы былі і па стварэньні абутковага голдынгу. Кампаніі «Белвест» і «Луч» адчайна адбіваліся ад гэткай ініцыятывы дзяржавы і ўсё-такі адбіліся. А вось «Марко» мусіла падпарадкавацца.
Аршанская друкарня адмаўляецца друкаваць перадвыбарчыя ўлёткі апазыцыйных кандыдатаў
Кандыдат у дэпутаты райсавету і аблсавету Ігар Казьмерчак перадаў для друку макет ўласнай перадвыбарнай ўлёткі. Нічога не прадвяшчала праблем. Але празь некаторы час кандыдату ператэлефанавалі з аршанскай друкарні і паведамілі, што ня могуць зрабіць наклад улётак, пакуль з райвыканкаму не дашлюць ліст, якім дазволяць друк.
У Віцебску завершанае расьсьледаваньне справы аб нявыплаце падаткаў ІП у асабліва буйным памеры
Упраўленьнем Сьледчага камітэту па Віцебскай вобласьці завершанае расьсьледаваньне крымінальнай справы па факце нявыплаты падаткаў. Як паведаміла афіцыйны прадстаўнік упраўленьня СК па Віцебскай вобласьці Іна Гарбачова, 52-гадовая жыхарка Віцебску індывідуальны прадпрымальнік з траўня 2011 па чэрвень 2013 году ўхілілася ад выплаты сум падаткаў у бюджэт, што пацягнула нанясеньне шкоды дзяржаве больш як на 270 млн. рублёў.
Самае бруднае паветра ў краіне — у Наваполацку
Белстат склаў сьпіс гарадоў з самымі вялікімі аб’ёмамі выкідаў забруджвальных рэчываў у паветра ад стацыянарных крыніц. Рэйтынг традыцыйна ўзначаліў Наваполацак (54 тысячы тон). Усьлед за ім ідзе Менск (25 тысяч тон), Гародня (11 тысяч тон) і Новалукомаль (9000 тон). Усяго ж па ўсёй краіне ў паветра было выкінута 446 200 тон забруджвальных рэчываў.