Іллю Двойрына, які абліў белай фарбай машыну з літарай «Z», Наваполацкі суд зноў пасадзіў на 15 сутак
Роўна праз тыдзень пасля таго, як 53-гадовага работніка “Нафтана” Іллю Двойрына прызналі вінаватым паводле ч. 1 арт. 339 Крымінальнага кодэкса (хуліганства) за аблітую белай фарбай машыну прарасейскага актывіста і пакаралі пазбаўленннем волі на адзін год умоўна, ён зноў апынуўся ў пастарунку, а потым у Цэнтры ізаляцыі правапарушальнікаў.
За распаўсюд «экстрэмізму» ў Віцебску аштрафаваная маладая жанчына
Суддзя суда Першамайскага раёна Віцебска Міхаіл Юрчанка 13 верасня за падпіску на "экстрэмісцкі" паблік пастанавіў аштрафаваць грамадзянку РФ Наталлю Куксёнак, якая жыве ў Віцебску. Гэта другая ў гэтым годзе адміністрацыйная справа, разгледжаная з нагоды распаўсюджвання “экстрэмізму” ў дачыненні да Куксёнак. Першая справа была разгледжана напрыканцы жніўня тым жа суддём Юрчанка.
Дыпламаты краін Еўразвязу адмовіліся ехаць у Наваполацк, куды беларускія ўлады прывезлі дзяцей з часова акупаваных тэрыторый
Цягам трох тыдняў дзеці з Лісічанска і Севераданецка будуць знаходзіцца ў Наваполацку. Мясцовая «Новая газета» падае гэтую падзеі як акт дабрачыннасці, але не паведамляе, што прадстаўнікі еўрапейскіх краін адмовіліся браць удзел у сустрэчах. Таксама дзяржСМІ абыходзіць маўчаннем і тое, што прадстаўнікі Украіны нават не былі запрошаны на мерапрыемствы, арганізаваныя для маленькіх грамадзян гэтай краіны.
Паведамляецца аб тым, што Пскоўскі рэгіён страціў забітымі 300 чалавек на вайне ва Ўкраіне
Паводле інфармацыі штотыднёвай рэгіянальнай грамадска-палітычнай газеты «Пскоўская губерня» на стане 4 кастрычніка на вайне ў Украіне загінула 300 жыхароў Пскоўскай вобласці, а колькасць параненых і пакалечаных пераваліла за адну тысячу чалавек. Губернатар Пскоўшчыны Міхаіл Ведэрнікаў прызнаў страты 181 байца, прызванага на руска-ўкраінскую вайну з гэтага расійскага рэгіёну.
Жыхары Віцебшчыны сталі больш законапаслухмянымі? Не так усё адназначна
Гэта сапраўды так, калі верыць міліцэйскай статыстыцы, якая сцвярджае, што за апошнія 10 год у Віцебскай вобласці назіраецца дынаміка зніжэння злачынстваў па лініі крымінальнага вышуку. Іх колькасць скарацілася на 39 працэнтаў. Забойстваў знізілася на 44 працэнты, фактаў прычынення цяжкіх цялесных пашкоджанняў на 43,6 працэнта. У рэгіёне стала менш разбояў, угонаў аўта- і мотатранспарту, але значна павялічылася колькасць «палітычных» злачынстваў і дэліктаў з выкарыстаннем Інтэрнэту.
У Сянно за абразу следчага асудзілі інваліда да «хатняй хіміі», штрафу і канфіскацыі
Суддзя суда Сенненскага Іна Досава 27 ліпеня за абразу следчага Сенненскага РАСК прыгаварыла мясцовага жыхара інваліда 2 групы Паўла Якубовіча да двух гадоў абмежавання волі без накіравання ва ўстанову адкрытага тыпу, да штрафу ў памеры 1850 рублёў і канфіскацыі камп'ютара.
Дзяржаўная газета «Витебские вести» настройвае чытачоў супраць Польшчы
Абласное выданне ўжо другі месяц публікуе выказванні прадстаўніцы КПБ, старшай навуковай супрацоўніцы інстытута гісторыі НАН, кандыдаткі гістарычных навук Алены Сакаловай, аўтаркі кнігі «Гиена Европы». У верасні рэдакцыя тройчы прадастаўляла старонкі газеты для трансляцыі меркавання пра тое, што Беларусь можа стацца ахвярай злавеснай палітыкі амерыканскага “Белага Дома”, якую падтрымлівае Варшава. У кастрычніку гэтая практыка працягваецца.
За ўпадабаную публікацыю ў сацыяльнай сетцы ўлады пакаралі грамадскімі работамі жыхара Лёзненскага раёна
Суддзя і старшыня суда Лёзненскага раёна Алена Шарэц 13 верасня за распаўсюджванне "экстрэмізму" ў сацыяльнай сетцы пакарала грамадскімі праца на тэрмін 20 гадзін і канфіскавала тэлефон у маладога жыхара аграгарадка Дабрамыслі Іллю Самохіна.
Віцебскія ўлады працягваюць "зачыстку" некамерцыйных грамадскіх арганізацый
За тры гады былі гвалтоўна зачыненыя 83 арганізацыі, якія служылі асновай грамадзянскай супольнасці ў Віцебскім рэгіёне. Гэты працэс працягваецца. У кастрычніку 2023 года Віцебскі абласны суд прыме рашэнне аб ліквідацыі трох грамадскіх аб'яднанняў.
Настаўнікаў павіншавалі і ... схлусілі
Абласная газета «Витебские вести» апублікавала дзіўную статыстыку да Дня настаўніка, які ў Беларусі адзначылі ў першую нядзелю гэтага месяца – 1-га кастрычніка. Паводле выдання, на Віцебшчыне на кожнага педагога, паводле колькасці прадстаўнікоў гэтай прафесіі, прыпадае 10 вучняў. Пры гэтым газета ніводным словам не згадала, што настаўніцкія кадры – у дэфіцыте, бо працаваць у школе цяжка, не вельмі прэстыжна, дый заробкі невысокія.