Сivil Rights Defenders: Дашліце паведамленьне Алесю Бяляцкаму!
Міжнародная праваабарончая арганізацыя Сivil Rights Defenders праводзіць акцыю “Дашліце паведамленьне Алесю Бяляцкаму да 12 ліпеня”.
Начальнік будоўлі пагражаў журналісту цаглінай
Непрыемны інцыдэнт адбыўся 5 ліпеня з галоўным рэдактарам і фотакарэспандэнтам інтэрнэт-газэты “Народныя навіны Віцебска” Сяргеем Серабро. Напярэдадні журналіст рыхтаваў фотарэпартаж аб наступствах моцнай залевы, якая прайшла ў Віцебску. У прыватнасьці, яго зацікавіла яма, якая ўтварылася ў самым цэнтры гораду, насупраць гандлёвага цэнтру “Марка-сіці”. Каля правалу працавала група будаўнікоў. Раптам адзін зь іх пачаў паводзіць сябе, мякка кажучы, дзіўна.
Адвакат Андрэя Гайдукова абскардзіў прысуд
Адвакат Андрэя Гайдукова Вадзім Мушынскі абскардзіў ў вышэйшай судовай інстанцыі прысуд, які на мінулым тыдні вынес грамадзкаму актывісту Віцебскі абласны суд. Пра гэта паведаміла маці асуджанага актывіста Вольга Гайдукова. Паводле яе зьвестак, Андрэя сама меней да канца месяца будуць трымаць у Віцебскім СІЗА. За гэты час маці паспрабуе атрымаць зь ім сустрэчу.
Галоўнаму архітэктару Віцебску пагражае да 10 гадоў пазбаўленьня волі
Генпракуратура ўзбудзіла крымінальную справу супраць галоўнага архітэктара Віцебску Віталя Дубіка. Яго падазраюць у зьдзяйсьненьні злачынства, прадугледжанага ч.3 арт.426 КК (перавышэньне ўлады або службовых паўнамоцтваў). Пракуратура лічыць, што закон быў парушаны падчас выкананьні работ па капітальным рамонце і мадэрнізацыі гаспадарчага корпусу ГУ «Нацыянальны акадэмічны драматычны тэатар імя Я. Коласа». Паводле акту праверкі, сума шкоды склала больш за 149 млн. рублёў, паведамляе прэс-служба Генпракуратуры.
Незалежную журналістку Алену Сьцяпанаву будуць судзіць
Віцебскую журналістку Алену Сьцяпанаву вінавацяць у парушэньні заканадаўства аб СМІ. У міліцыі лічаць, што Алена супрацоўнічае з замежным СМІ без акрэдытацыі. 9 ліпеня журналістка разам з адвакатам наведала Кастрычніцкі РАУС Віцебску, дзе старшы інспэктар аддзелу аховы правапарадку і прафіляктыкі Сяргей Вяракса азнаёміў яе з пратаколам.
Дзьве дзяржаўныя абласныя газэты Віцебшчыны аб’ядналі ў адну
На інфармацыйным рынку Віцебскай вобласьці зьявілася новае друкаванае СМІ - газэта “Вітебскіе весті”. Яна аб’яднала два абласных выданьні - “Віцебскі рабочы” і “Народнае слова”. Першы нумар газэты выйшаў 2 ліпеня. Рашэньне аб рэарганізацыі гэтых газэт прыняў заснавальнік - Віцебскі аблвыканкам. Ад новага выданьня ён чакае “стварэньня якаснага, прафэсійнага інфармацыйнага прадукту, які выключыць дубляваньне інфармацыі”.
Павал Севярынец: «Плюшавы дэсант» прадэманстраваў ілжывасьць рэжыму
Год таму швэдзкія пілёты скінулі над тэрыторыяй Беларусі каля тысячы плюшавых мядзьведзікаў зь лёзунгамі ў падтрымку свабоды слова. Сьмелая і яскравая акцыя паказала ня толькі хібы сыстэмы СПА краіны, але і тое, як беларускія ўлады рэагуюць на непажаданую ім інфармацыю. Пра гэта заявіў палітвязень Павал Севярынец, камэнтуючы гадавіну «плюшавага дэсанту».
Успышка афрыканскай чумы сьвіней на Віцебшчыне афіцыйна пацьверджаная
Як паведамілі “Інтэрфаксу” ў расейскім “Россельхознадзоры” са спасылкай на беларускіх калегаў, захворваньне пацьверджанае ў Віцебскай вобласьці. “У цяперашні час рыхтуем дакумэнты на абмежаваньне паставак жывых сьвіней, сьвініны, гатовай прадукцыі і кармоў для сьвіней з гэтай вобласьці”, - паведаміў прадстаўнік расейскага ведамства. Раней гэтая мера была ўведзеная ў дачыненьні да паставак з Гарадзенскай вобласьці, дзе быў выяўлены першы ачаг АЧС.
Пракуратура: Андрэй Гайдукоў спрабаваў працаваць на ЦРУ
Асуджаны на паўтара года пазбаўленьня волі Андрэй Гайдукоў хацеў стаць агентам ЦРУ ЗША. Спробу ўстанавіць кантакт з амэрыканскай спэцслужбай ён распачаў у жніўні 2012 году, паведаміў першы намесьнік пракурора Віцебскай вобласьці Аляксандар Сідаровіч: “У жніўні 2012 году ў спэцслужбу паступіла апэратыўная інфармацыя пра тое, што грамадзянін Беларусі хоча ўстанавіць сувязь з адной з разьведслужбаў”.
На час «Славянскага базару» бяздомных і дэбашыраў ізалююць, а Віцебск нашпігуюць міліцыяй
Як будзе забясьпечаная ахова парадку падчас чарговага фэстывалю мастацтваў «Славянскі базар у Віцебску», які адкрываецца на наступным тыдні ў Віцебску, — распавёў начальнік Віцебскай міліцыі Ігар Яўсееў: «Забясьпечваць ахову парадку будуць каля 600 супрацоўнікаў міліцыі і ваеннаслужачых унутраных войскаў. Для ўзмацненьня сіл Віцебскага гарнізону міліцыі будуць запрошаныя калегі з Гарадзенскай, Гомельскай і Менскай абласьцей».