Яшчэ ў верасні 2021 году праваабаронца Павел Левінаў звярнуўся ў Генеральную пракуратуру з заявай аб нелегальнай міграцыі замежных грамадзян у напрамку краін Еўрапейскага Саюзу. Але ні ў Генпракуратуры, ні ў пагранкамітэце існую сітуацыю на дзяржаўнай граніцы не разглядаюць у межах дзейнага крымінальнага заканадаўства.

Cтала вядома, што 2 жніўня 2021 году палітычны зняволены Дзмітрый Кулакоў збег з «хіміі» і з'ехаў з Беларусі. Зараз ён знаходзіцца ў іншай краіне.

21 красавіка ля пасольства Расеі ў Варшаве прайшла акцыя салідарнасці з палітвязнямі Беларусі і Расеі. Для беларускай аўдыторыі стрым з мерапрыемства вяла віцебская блогерка Алена Янушкоўская. Пасля пераследу з боку сілавых структураў Алена разам з дачкой і ўнучкамі вымушаная была з'ехаць з краіны.