Уласны экалягічны інфармацыйны рэсурс зьявіўся ў паўночнай вобласьці нашай краіны. Таварыства «Зялёная сетка» прэзэнтавала ў Віцебску рэгіянальны Зялёны партал – vitebsk.greenbelarus.info. Урачыстая цырымонія прайшла ў абласной бібліятэцы імя Леніна і была прымеркаваная да Сусьветнага дня аховы навакольнага асяродзьдзя, які адзначаецца 5 чэрвеня.

У мінулую суботу, дзякуючы намаганьням сяброў Віцебскага аддзяленьня Беларускай асацыяцыі журналістаў, адбылася фотавыстава і прэзэнтацыя дакумэнтальнай кінастужкі, прысьвечаныя знакавай для гораду на Дзьвіне асобе – Барысу Хамайду.

19 траўня ў Віцебскім цэнтры сучаснага мастацтва супрацоўнікі брытанскай амбасады ў Беларусі прадставілі стыпэндыяльную праграму Міністэрства замежных спраў Вялікай Брытаніі - стыпэндыю Chevening.

Бурныя дэбаты прайшлі ў Менску 18 траўня ў Міністэрстве працы, дзе адбылося паседжаньне Рады па ўдасканаленьні працоўнага заканадаўства. Праўрадавыя ўдзельнікі паседжаньня адмовіліся абмяркоўваць зьмены ў пэнсійным заканадаўстве і агульнае пагаршэньне правоў працоўных у Беларусі. Палачанін, намесьнік старшыні Свабоднага прафсаюзу Беларускага (СПБ) Мікола Шарах як сябра згаданай рады распавёў нашаму карэспандэнту пра хаду паседжаньня.

За мінулы год у Чашніцкім раёне выявілі 9 злачынстваў карупцыйнага характару. Для параўнаньня, у пазамінулым годзе такіх злачынных дзеяньняў было зьдзейсьнена 8.

Вось ужо два месяцы з ініцыятывы доктара-псыхіятра і бескампраміснага крытыка ўладаў Ігара Пастнова на сайце change.org ідзе збор подпісаў пад пэтыцыяй у Вярхоўны суд краіны на карысьць віцебскага палітыка прарасейскага кшталту Сяргея Рыжова.

Пэдагогі і вучні Зэмгальскай школы (Даўгаўпілскі край, Латвія) у ліпені наведаюць Ноўкінскую сярэднюю школу (Віцебскі раён). Латышы вырашылі зрабіць візыт на Віцебшчыну па выніках VI Міжнароднай навукова-практычнай канфэрэнцыі ў межах адпаведнага дакумэнту пра доўгачасовае ўзаемадзеяньне паміж дзьвюма адукацыйнымі ўстановамі.

Прыканцы красавіка віцебскія праваабаронцы Павал Левінаў і Леанід Сьвецік пабывалі ў сталіцы Нарвэгіі горадзе Осьлё з працоўным візытам. Запрашалым бокам выступіла праваабарончая арганізацыя «Нарвэскі Хэльсынскі камітэт». Мэта візыту – азнаямленьне з досьведам работы дзяржаўных органаў і няўрадавых арганізацыяў па прыёме, адаптацыі і інтэграцыі замежных грамадзян, якія папрасілі прытулак у Нарвэгіі.

Паўгода таму распачалася дабрачынная акцыя, накіраваная на збор сродкаў для дапамогі Іне Тышкевіч зь вёскі Ідолта Мёрскага раёну, якую паралізавала пасьля аўтакатастрофы. Вынік: дзякуючы прыстасаваньням, набытым на ахвяраваныя грошы, сёньня Іна Тышкевіч адчувае сябе значна лепш.

24 траўня сябры камісіі па ўшанаваньні памяці абаронцаў Айчыны і ахвяраў войнаў, створанай пры Віцебскім райвыканкаме, сустрэліся з прадстаўнікамі грамадзянскай ініцыятывы «Хайсы». Грамадзяне задалі чыноўнікам з тузін пытаньняў, але толькі на нешматлікія зь іх пачулі ўцямныя адказы.