У мінулым месяцы жыхары аграгарадка Гаршчэўшчына Талачынскага раёна запісалі відазварот да Аляксандра Лукашэнкі з просьбай не зачыняць  дзіцячы садок і не пераводзіць дзяцей у памяшканне  школы ў суседнім аграгарадку. Гэтую гісторыю Лукашэнка сам узгадаў 26 жніўня падчас нарады па пытаннях гандлёвага абслугоўвання ў сельскай мясцовасці. Ен заявіў, што сацыяльна значныя аб’екты ў весках, нават бесперспектыўных, нельга зачыняць толькі таму, што яны нерэнтабельныя. І сам такім чынам перакрэсліў уласную палітыку “аптымізацыі” гандлю і школьнай адукацыі. Дзяржаўныя чыноўнікі, якія праводзілі палітыку ў тым самым рэчышчы, аказаліся, мякка кажучы, азадачанымі.

Віцебская прыхільніца “русского міра” лічыць, што беларусы, якія размаўляюць на “трасянцы”, ужываюць  слова “васілёк”, а не “валошка”. Такія філалагічныя высновы Мірсалімава зрабіла, “прааналізаваўшы” гаворку жыхароў Віцебшчыны. І дадала, што “белорусскоговорящих у нас практически нет». Заадно крытыкі дасталося і новаму віцебскаму арт-аб’екту.