У сераду 1 ліпеня ў Віцебску прайшлі чарговыя суды над актывістамі за ўдзел у «ланцугу салідарнасьці». У судзе Першамайскага раёну за нібыта парушэньне заканадаўства аб масавых мерапрыемствах (ч.3 арт. 23.34) судзілі валянтэра ініцыятыўнай групы Ціханоўскай Аляксея Саламаненку, актывістку БХД Тацяну Севярынец і віцябляніна Алега Паўлава. Усіх аштрафавалі на буйныя сумы.