У Полацку і Воршы адбыліся прэзэнтацыі новай кнігі Георгія Станкевіча і фільму пра яго
Жыхар Бешанковічаў Георгі Станкевіч вядомы як паэт, бард, настаўнік, грамадзкі дзеяч. Сваёй дзейнасьцю і жыцьцём ён натхніў відэаапэратара Аляксандра Зянкова і журналістку Алену Сьцяпанаву на стварэньне дакумэнтальнага фільму «Я лічу, што я шчасьлівы».
Суд не падтрымаў полацкую прадпрымальніцу, якая дала адпор падаткавікам
Суд Полацкага раёну і гораду Полацку 3 лютага пакінуў у дзеяньні пастанову падатковых органаў аб прыцягненьні да адміністрацыйнай адказнасьці прадпрымальніцы Веры Русецкай, якая перашкаджала праводзіць праверку.
Полацкі прадпрымальнік зьбірае актывістаў, каб выйсьці на плошчу ў Менску
Полацкі прадпрымальнік Генадзь Бердзянёў не падтрымлівае прапанову грамадзкай арганізацыі «Пэрспэктыва», агучаную на сходзе індывідуальных прадпрымальнікаў, – правесьці мітынг на менскай плошчы Бангалор. Ён заклікае прадстаўнікоў малога бізнэсу з усіх гарадоў Беларусі аб’яднацца, каб разам выйсьці на акцыю пратэсту на галоўнай плошчы Менску.
Рабочых будтрэсту з Полацку адправілі ў адпачынак за свой кошт
Рабочыя будаўнічага трэсту №22 гораду Полацку запісаліся на прыём да намесьніка старшыні райвыканкаму. Сустрэча мае адбыцца 17 лютага. Пра гэта гаворыцца ў паведамленьні суполкі «Полацак і Наваполацак» у сацыяльнай сетцы «УКантакце».
Звольненыя прадаўцы, за якімі таемна сачыў дырэктар, спрабуюць аднавіцца на працы
У Полацкім судзе разглядаецца справа наконт аднаўленьня на працы прадаўцоў ААТ «ПолацакБудМатэрыялы». На судовым паседжаньні высьветлілася, што дырэктар Андрэй Жук усталяваў схаваную відэакамэру ў краме «Гарызонт» і таемна назіраў за працай прадаўцоў.
У сьмерці дзіцяці ў Наваполацкай радзільні вінаватыя лекары і чыноўнікі?
У сьнежні 2015 году сям'я Марыны Джуглій чакала трэцяе дзіця. Хлопчыку ўжо выбралі імя – Цімоша. Бацькі былі настроеныя пазытыўна – дасьведчаная мама, сама па адукацыі мэдык. Ды і абсьледаваньні ў пэрыяд цяжарнасьці былі станоўчыя. Нішто не прадвяшчала бяды.
Чыноўнікі ня ўбачылі парушэньня санітарна-гігіенічных нормаў на «Шкловалакне»
Разгледзеўшы зварот сяброў першаснай арганізацыі Свабоднага прафсаюзу работнікаў ААТ «Полацак-Шкловалакно», кіраўнік полацкай эпідэміялягічнай службы Міхаіл Гурыновіч заявіў: «У санітарных нормах і правілах адсутнічаюць патрабаваньні да абавязковага прыняцьця душу работнікамі пасьля заканчэньня працоўнай зьмены». У той самы час інструкцыя па ахове працы абавязвае большасьць рабочых заводу прымаць душ пасьля працы.
Жыхары Полацку падпісваюцца пад пэтыцыяй супраць набыцьця райвыканкамам красовэру
Зэканомленыя 370 мільёнаў палачанін Яраслаў Пачопка прапануе выдаткаваць на добраўпарадкаваньне гораду. «У краіне, а тым больш у Полацку, цяпер нялёгкія часы, таму траціць 17 тысяч даляраў на новае аўто для “служак народу” мы лічым няслушным!» – гаворыцца ў пэтыцыі, разьмешчанай на сайце www.change.org.
Бар’ерны полацкі суд (фота)
У Полацку ў будынку суду ідзе рамонт. Новая шыльда на фасадзе суду Полацкага раёну і гораду Полацку зь ліпеня 2015 году падкрэсьлівае веліч «Палаца правасудзьдзя». Будынак новай канструкцыі мае пандус для наведваньня суду грамадзянамі з абмежаванымі магчымасьцямі (вазочнікамі), што таксама сьведчыць пра разуменьне праблемы безбар'ернага асяродзьдзя. Аднак доўгае знаходжаньне ў судзе інвалідаў не прадугледжанае.
Старшыня пяршоўкі Свабоднага прафсаюзу ААТ «Полацак-Шкловалакно» скардзіцца ў Віцебскі аблсуд (відэа)
Старшыня першаснай арганізацыі СПБ «Шкловалакна» Віктар Стукаў падаў у абласны суд скаргу на вызначэньне Полацкага гарадзкога суду, які 18 жніўня адмовіўся разглядаць справу аб дыскрымінацыі па прыкмеце членства ў адным або іншым прафсаюзе.