“Мы ўжо дакладна ведаем, што Уладзіміра Малахоўскага могуць абвінаваціць ва ўжыванні альбо пагрозе ўжывання гвалту ў дачыненні супрацоўніка міліцыі – паводле арт. 364 КК. З мужчынай працуюць адвакаты”, – пведамілі нам віцебскія праваабаронцы.

Сваякі Уладзіміра Малахоўскага расказалі, што суд паводле адміністрацыйнага артыкулу 23.34 (за ўдзел у несанкцыянаваным шэсці 13 верасня ў Віцебску) быў выязным і прайшоў на тэрыторыі ізалятару. Справу разглядала суддзя Вераніка Барысава. Яна прызнала Малахоўскага вінаватым і пакарала штрафам (памер ўдакладняецца).

Па словах сваякоў, інфармацыя пра тое, што ў Малахоўскага быў зафіксаваны пералом рукі пасля сутычкі з міліцыяй, не пацвердзілася. Аднак маюцца пашкоджанні двух пальцаў на руке. Пры гэтым Уладзімір мае інваліднасць 3-й групы, ён хварэў на анкалогію.  

Уладзімір Малахоўскі быў затрыманы 13 верасня падчас мірнага шэсця ў Віцебску. Відэа сутыкнення змешчыныя ў інтэрнэце.

Артыкул 364 КК прадугледжвае пакаранне арыштам, альбо абмежаваннем волі на тэрмін да 5 гадоў, альбо пазбаўленнем волі да 6 гадоў.

Зміцер Міраш