Напачатку ён выказаўся пра выбары і прызначаных дэпутатаў.

“Выбары, адзіны дзень галасавання паказваюць, што наша грамадства адзіна ў разуменні важнасці захавання міру, стабільнасці і эфектыўнага развіцця, нашы грамадзяне вылучылі ў кандыдаты ў дэпутаты тых людзей, якія сваёй працоўнай дзейнасцю, вынікам працы, стаўленнем да людзей, дзяржавы, прафесіяналізмам пацвердзілі сваю кампетэнтнасць у выкананні функцый, якія ўскладаюцца на прадстаўнікоў органаў мясцовага самакіравання і заканадаўчай улады”

Далей Юры Дзяркач пачаў “пець дыферамбы” Лукашэнку.

“Гатоўнасць кіраўніка дзяржавы, паважанага Аляксандра Рыгоравіча Лукашэнкі, балатавацца ў прэзідэнты ў наступным годзе ўспрынята беларускім народам вельмі пазітыўна і з удзячнасцю. Кожны з нас надмерна ўдзячны за яго тытанічную працу, якая дазволіла ў краіне захаваць мір, важкія сацыяльныя гарантыі, высокую якасць жыцця, стабільнае развіццё эканомікі”, - сказаў старшыня Віцебскага абласнога аб'яднання прафсаюзаў.

Тут чыноўнік, відаць, пераблытаў паняцці “я” і “народ”.

Пасля Юры Дзяркач нагадаў пра патрабаванні Лукашэнкі да беларусаў. А гэта   выконваць свой грамадзянскі абавязак, якасна працаваць, абараняць нашу краіну, аказваць узаемную падтрымку, праяўляць цярпімасць, будаваць добрыя адносіны з нашымі суседзямі.

Але і тут дысананс, бо як беларусы могуць будаваць добрыя адносіны з суседзямі, калі Лукашэнка зрабіў краіну ізгоем, з якой сябруюць толькі краіны, у якіх пануе дыктатуры, ці краіны-агрэсары, як Расея.

Напрыканцы чыноўнік згадаў і ЗША. Ён заклікае беларусаў супрацьстаяць жаданням кіраўніцтва ЗША і іх паслядоўнікаў, паказваючы найвышэйшую дысцыпліну, адзінства грамадства, забяспечваючы дынамічнае развіццё Беларусі ў саюзе з Расеяй ды іншымі дружалюбнымі краінамі.

Якія жаданні ЗША меў на ўвазе Юрый Дзяркач – невядома.

Кірыл Уткін