На сустрэчу з Уладзімірам Цярэнцьевым адмыслова сабралі выкладчыкаў ВНУ і студэнтаў-першакурснікаў, якія ў лютым наступнага голу будуць галасаваць упершыню. Старшыня аблсавета патлумачыў асаблівасці будучай выбарчай кампаніі, у прыватнасці, тое, што сёлета ў адзін дзень будуць выбіраць дэпутатаў розных узроўняў – ад мясцовых саветаў да Палаты прадстаўнікоў Нацыянальнага схода. І выказаў спадзеў, што выкладчыуі абавязкова данясуць гэтую інфармацыю да тых студэнтаў, якія на сустрэчу не трапілі.

Практыка паказала, што падчас выбарчых кампаній студэнтаў ВДУ, як і навучэнцаў іншых установаў, гоняць на выбарчыя ўчасткі ў загадным парадку. Калі раней да ўдзелу ў галасаванні студэнтаў спрабавалі заахвоціць, прыкладам, рабілі дадатковы выходны ў суботу, каб маладыя людзі прагаласавалі загадзя і змаглі паехаць дахаты, то апошнім часам іх проста «здымалі» з заняткаў і на чале з выкладчыкам вялі ў залу для галасавання. Сёлета прымус абяцае быць яшчэ больш жорсткім, хаця абноўлены Выбарчы кодэкс не прадугледжвае парогу мінімальнай яўкі. І чым бліжэй да 25 лютага 2024 г., тым больш часта прадстаўнікі ўладаў будуць звяртацца да грамадзян Беларусі з заклікамі абавязкова «выканаць грамадзянскі абавязак»

Уладзімір Мікалаенка