Сталі вядомыя імёны работнікаў наваполацкага «Паліміра», асуджаных Зінаідай Балаболавай

Чацвер, 14 Верасень 2023

Сталі вядомыя імёны работнікаў наваполацкага «Паліміра», асуджаных Зінаідай Балаболавай

Ацаніць гэты матэрыял

(2 галасоў)

Сталі вядомыя імёны работнікаў наваполацкага «Паліміра», асуджаных Зінаідай Балаболавай

9 судовых працэсаў прайшло ў гарадскім судзе Наваполацка ў адзін дзень, 7-га верасня. Напярэдадні ў мясцовым тэлеграм-канале, блізкім да сілавікоў, у здзеклівай форме паведамлялася пра «фестываль «Хапун» на наваполацкім прадпрыемстве «Палімір», падчас якога былі затрыманыя некалькі работнікаў праектна-канструктарскай службы і іншых структурных падраздзяленняў – сілавікі праверылі ў іх тэлефоны і знайшлі падпіскі на так званыя «экстрэмісцкія» інтэрнэт-рэсурсы.

Затрыманні адбываліся цягам усяго дня, з 10.00 да 18.30. Ноч затрыманыя правялі пад вартай, а назаўтра суддзя Зінаіда Балаболава прызнала іх вінаватымі ў распаўсюдзе «экстрэмісцкай інфармацыі» паводле ч.2 арт. 19.11 КаАП.

У Банку судовых рашэнняў выкладзены судовыя пастановы ў адносінах да 8-мі чалавек, у тым ліку дзвіх жанчын, якім Зінаіда Балаболава прысудзіла па 15 сутак арышту.

Гэта Алена Марцанюк, Ірына Баранава, Дзмітрый Тамчонак, Аляксей Стома, Аляксандр Парчынскі, Андрэй Шкірэнка, Ігар Камека, Юрый Лінкевіч.

Таксама 7-га верасня суддзя Зінаіда Балаболава судзіла па ч.2 арт.19.11 жыхарку Наваполацка Вольгу Драздову, але вынік пакуль не вядомы.

МІхаіл Кіслік

Апублікавана ў Суд

Тэгі:

Яшчэ ў гэтым разьдзеле: « Паўтара гады калоніі агульнага рэжыму прысудзіў глыбоцкі суд фітнес-трэнеру і бодзібілдару Аляксандру Шарабайку За распаўсюд «экстрэмізму» ўлады пакаралі штрафам бібліятэкарку »

Вярнуцца ў пачатак