Андрэя Новікава абвінавацілі ў парушэньні заканадаўства аб масавых мерапрыемствах (арт. 23.34 КаАП). Да суду, які быў прызначаны на 11 траўня, ён знаходзіўся ў Пастаўскім ізалятары часовага ўтрыманьня. У панядзелак суд не пасьпеў вынесьці рашэньне і быў перанесены на наступны дзень, абвінавачанага адпусьцілі дамоў.
У аўторак 12 траўня Пастаўскі райсуд прызнаў Андрэя Новікава вінаватым і пакараў яго штрафам у памеры 30 базавых велічынь (810 рублёў).
«Дома. Зь сям’ёй. Выцерці аб сябе ногі не дазволіў. Даваць ацэнку таму, што адбываецца, сэнсу ня бачу… Усе ўсё разумеюць», – цытуюць словы Новікава на тэлеграм канале «Віцебск для жыцьця».
Зьміцер Міраш
Камэнтуйце гэтую навіну на нашай старонцы ў facebook!