Яго вінавацяць у здзяйсненні злачынстваў, прадугледжаных
- ч. 2 арт. 205.4 КК РФ (арганізацыя тэрарыстычнай супольнасці і ўдзел у ёй),
- п.п. «а, в» ч. 2 арт. 205 КК РФ (тэрарыстычны акт),
- арт. 205.3 КК РФ (праходжанне навучання з мэтай ажыццяўлення тэрарыстычнай дзейнасці),
- ч. 3 арт. 226.1 КК РФ (кантрабанда выбуховых прылад),
- ч. 4 арт. 222.1 КК РФ (незаконныя набыццё, перадача, збыццё, захоўванне, перавозка, перасылка або насенне выбуховых прылад).
Згодна з версіяй следства, беларус «за грашовае ўзнагароджанне ўвайшоў у склад тэрарыстычнай суполкі, створанай для арганізацыі выбухаў на аб’ектах транспартнай інфраструктуры Усходне-Сібірскай чыгункі з мэтай уздзеяння на ўхваленне ўладамі Расійскай Федэрацыі рашэння аб спыненні спецыяльнай ваеннай аперацыі».
Справу Сяргея Ерамеева будзе разглядаць вайсковы суд у Чыце. Яму пагражае пазбаўленне волі на тэрмін ад 10 да 20 гадоў са штрафам або пажыццёвае зняволенне.
Пра затрыманне ў Омску падазраванага ў тэракце грамадзяніна Беларусі ФСБ паведаміла 7 снежня 2023 года. Віну Ерамееў прызнаў, заявіўшы, што хацеў паралізаваць рух на чыгунцы, каб перашкодзіць перавозцы ваенных грузаў.
Паводле матэрыялаў крымінальнай справы, распачатай супраць Сяргея Ерамеева, 29 лістапада 2023 г. у Паўночна-Муйскім тунэлі і 30 лістапада 2023 г. на перагоне Перавал — Гарачы Ключ Усходне-Сібірскай чыгункі (абход Паўночна-Муйскага тунэлю) адбыліся выбухі. Гэта прывяло да разбурэння вагонаў-цыстэрнаў, узгарання і разліву паліва, пашкоджання чыгуначнай інфраструктуры, у тым ліку элементаў тунэлю, была парушаная работа транспартнай магістралі федэральнага значэння, затрыманыя цягнікі. Выбухі стварылі небяспеку для супрацоўнікаў цягніковых брыгад і асоб, што ехалі ў цягніках.
Сяргей Міхайлоўскі