У Наваполацку затрымалі яшчэ аднаго ўдзельніка стачкі на прадпрыемстве «Нафтан» Аляксандра Сакалова. Пра гэта паведаміў стачкам на сваёй старонцы ў «Фэйсбуку». Паведамляецца, што ён быў затрыманы па справе відэароліка, знятага ў падтрымку галасавання на платформе «Голас». Навапалачаніна, як і іншых затрыманых, вінавацяць ва ўдзеле ў несанкцыянаваным пікетаванні (арт. 24.34 КаАП).

На наваполацкім «Паліміры» Алена Вінакурава адпрацавала 31 год, у апошні час – кантралёрам якасці ў цэху 604. 29-га сакавіка яна вымушана прапусціла працу: у той дзень яе судзілі за нібыта несанкцыянаваны адзіночны пікет. Але адміністрацыя прадпрыемства не палічыла гэта важкай прычынай – жанчыне паставілі прагул, перадае Беларускае Радыё Рацыя.

На пачатку тыдня ў інтэрнэце з'явілася інфармацыя аб тым, што на прадпрыемстве «Спецаўтабаза» у Віцебску нібыта адбылася забастоўка. Як паведамляецца, прычына незадаволенасці працаўнікоў – малыя заробкі. FINANCE.TUT.BY спраўдзіла, ці так гэта.

Петыцыя да ўладаў з патрабаваннем не звальняць з пасады загадчыка аддзялення анестэзіялогіі і рэанімацыі Віцебскага клінічнага шпіталя хуткай дапамогі Уладзіміра Мартава за адзін дзень сабрала паўтары тысячы подпісаў. Доктару Мартаву не працягваюць працоўны кантракт. Ён будзе звольнены ад 3 красавіка.