На канец верасьня за адзін тыдзень да дня пачатку галасаваньня толькі чатыры палітычныя структуры зарэгістравалі сваіх сяброў назіральнікамі на ўчастках для галасаваньня.

29 верасьня ў «Эўрапейскім клюбе» Віцебску адбыліся грамадзкія слуханьні па тэме абмежаваньня знаходжаньня адной асобы на пасадзе прэзыдэнта двума тэрмінамі. У якасьці экспэртаў перад прысутнымі віцебчукамі выступілі экс-сьпікер ВС Мечыслаў Грыб і палітоляг Алег Лагвінец, ролю вядоўцы выконваў намесьнік старшыні руху «За свабоду» Юрась Губарэвіч.

Пра гэта паведаміў праваабаронца Павал Левінаў, які зьяўляецца назіральнікам пры Першамайскай тэрытарыяльнай камісіі. Ён прайшоўся па ўчастковых выбарчых камісіях раёну і адзначыў, што ў належны час усе камісіі працавалі. Працавалі, праўда, толькі на аднаго кандыдата – Аляксандра Лукашэнку.

Ніводзін з 21-го пікету, заяўкі на правядзеньне якіх у раённыя адміністрацыі Віцебску падавалі сябры КХП-БНФ, не дазволены. Пікеты ў падтрымку байкоту мерапрыемства, якое апазыцыянэры называюць «псэўдавыбарамі», мусілі прайсьці ва ўсіх раёнах гораду цягам тыдня і завяршыцца ў апошні дзень галасаваньня, 11 кастрычніка.

Сустаршыня аргкамітэту па стварэньні партыі “Беларуская хрысьціянская дэмакратыя” Віталь Рымашэўскі 27 верасьня наведаў Віцебск, дзе правёў сустрэчы з актывістамі. На сустрэчах абмяркоўвалася кампанія назіраньня, пляны хрысьціянскіх дэмакратаў на найбліжэйшы час.

Індывідуальныя прадпрымальнікі распрацавалі сьпіс патрабаваньняў да беларускіх уладаў і ўзгадняюць дату папераджальнай забастоўкі. Пра гэта распавяла лідэр прадпрымальніцкага руху зь Віцебску Ірына Яскевіч:

Выдаленьне адбылося ў першы дзень датэрміновага галасаваньня, хоць да гэтага дня праблемаў з рэгістрацыяй і наведваньнем выбарчых участкаў не паўставала. Выдаленьне з участкаў было абгрунтаванае тым, як кіраўнікі камісіяў зразумелі партыйныя пратаколы аб вылучэньні ў назіральнікі, кажа старшыня Віцебскай абласной партыйнай арганізацыі Мікалай Селівашка.

Начальнік міжраённага аддзелу УУС Віцебскага аблвыканкаму падпалкоўнік міліцыі Аляксандар Сьцяпанаў спачатку вынес «пастанову аб спыненьні справы аб адміністрацыйным правапарушэньні» ў дачыненьні да праваабаронцы Паўла Левінава, а праз 9 дзён замяніў гэтую пастанову на новую, паводле якой спадар Левінаў прызнаны правапарушальнікам.

Пасьля трох дзён галасаваньня практычна на кожным выбарчым участку ў Віцебску прагаласавала ня менш за 15% ад агульнай колькасьці зарэгістраваных выбаршчыкаў. Штодзённы прырост, бы па камандзе, складае пяць адсоткаў, што выклікае падазрэньне ў незалежных назіральнікаў – падазрэньне таго, што на выбарах прэзыдэнта краіны рэалізоўваецца загадзя напісаны сцэнар.

100 бюлетэняў дадалося на ўчастку № 61 Першамайскага раёну ў ноч пасьля першага дня датэрміновага галасаваньня. Прынамсі, пра гэта сьведчаць пратаколы ўчастковай камісіі.