У Рэспубліцы Беларусь распрацоўваецца праект дэкрэту прэзыдэнта, які прадугледжвае абмежаваньне месцаў продажу электронных парагенэратараў (электронных цыгарэтаў) і вадкасьцяў да іх, а таксама забарону іх продажу асобам, якія не дасягнулі 18 гадоў. Такі адказ атрымаў віцебскі праваабаронца Леанід Сьвецік зь Міністэрства гандлю, куды зьвярнуўся з адпаведнай прапановай.

Празь пікет, заяўка на правядзеньне якога пададзеная ў адміністрацыю Чыгуначнага раёну Віцебску, праваабаронца Леанід Сьвецік мяркуе растлумачыць жыхарам гораду палажэньні дэкрэту прэзыдэнта №3 «Аб папярэджаньні сацыяльнага ўтрыманства».

У Полацку ўжо год існуе праваабарончая арганізацыя, створаная мясцовымі юрыстамі. Праваабаронцы ўтварылі аб'яднаньне ў форме простага таварыства, падпісаўшы дамову сумеснай дзейнасьці па аказаньні грамадзянам бясплатнай юрыдычнай дапамогі.

Віцебскія праваабаронцы павіншавалі месьцічаў з Днём правоў чалавека, які адзначаецца ва ўсім сьвеце 10 сьнежня – у гэты дзень у 1948 годзе Генэральнай асамблеяй ААН была прынятая Ўсеагульная дэклярацыя правоў чалавека.