Мікола Качурэц расказаў, што затрымлівалі яго 13 чэрвеня людзі ў форме МНС (Міністэрства надзвычайных сітуацый). Актывіста затрымалі гвалтам, ня далі вярнуцца дамоў выключыць газоўку.
Па словах актывіста, у ізалятары часовага ўтрыманьня (ІЧУ) ён некалькі дзён трымаў сухую галадоўку. Спыніў яе толькі пасьля таго, як атрымаў перадачу ад жонкі.
Распавёў, што ў ІЧУ прынцыпова не падпарадкоўваўся загадам устаць, калі ў камэру заходзіў начальнік. А на дзяжурную фразу начальства «Ці маеце пытаньні?» штодзень пытаўся: «Ці надзелі ўжо на Лукашэнку наручнікі?»
«Бачна, што яны самі там баяцца. Мы там сядзім – але мы больш вольныя людзі, чым яны», – кажа Качурэц пра сваіх турэмшчыкаў.
Міколу Качурцу 61 год. Ён атрымлівае пэнсію па інваліднасьці.
Зьміцер Міраш
Камэнтуйце гэтую навіну на нашай старонцы ў facebook!