Паводле Аляксея Саламаненкі, забараняць людзям сустракацца на вуліцы несправядліва.
«Проста людзі сустрэліся, паразмаўлялі. Я ўвогуле не разумею: атрымліваецца, што ў нас людзям увогуле на вуліцы сустракацца нельга, калі дамовіцца праз сацыяльныя сеткі. Я лічу, што гэта несправядліва, і, шчыра сказаць, для мяне ўвогуле неяк дзікавата, што ёсьць такі артыкул…Я сябе не лічу правапарушальнікам, і я адмовіўся даваць паказаньні супраць самога сябе на падставе артыкулу 27 Канстытуцыі Рэспублікі Беларусь», – расказаў віцяблянін.
Паводле праваабаронцы Паўла Левінава, папярэджаньне пракуратуры ня мае карных наступстваў, а на дадзены момант выкарыстоўваецца для запалохваньня.
«У адпаведнасьці з Законам аб пракуратуры, пракурорскае папярэджаньне – гэта акт пракурорскага рэагаваньня. У прынцыпе, ён не нясе ніякіх прававых наступстваў. Гэта такі акт запалохваньня, які пачаў прымяняцца з пачаткам гэтай электаральнай кампаніі, гэта такі элемэнт, каб застрашыць», – тлумачыць Павал Левінаў.
Паводле праваабаронцы, пракурорскае папярэджаньне не замяняе судовага пакараньня: калі міліцыя складзе пратакол на Аляксея Саламаненку і перадасьць яго ў суд, то ён можа быць аштрафаваны альбо пакараны арыштам.
Наколькі вядома на гэты момант, пратакол за ўдзел у стрыме 30-га красавіка на Аляксея Саламаненку не складалі. Але 22 траўня яго будуць судзіць за так званае кармленьне галубоў – акцыю грамадзкай салідарнасьці, што прайшла ў Віцебску 3 траўня.
Камэнтуйце гэтую навіну на нашай старонцы ў facebook!