14 лютага на сайце «Віцебскай Вясны» з'явіўся артыкул аб факце парушэння выбарчага кодэксу з боку трох сябраў абласной камісіі па правядзенні «рэферэндуму». Валяр'ян Мацкевіч, Таццяна Туманава і Сяргей Альсевіч падпісалі «Зварот сябраў Віцебскай абласной Каардынацыйнай рады грамадскіх абʼяднанняў і палітычных партый» з заклікам прагаласаваць за прапанаваныя змены, чым парушылі выбарчае заканадаўства.

У Віцебскай вобласці налічылі каля 12 000 працаздольных грамадзянаў, «не занятых у эканоміцы», якія вымушаныя будуць аплачваць падвышаныя рахункі за камнульныя паслугі. Пра гэта заявіў старшыня камітэту па працы, занятасці і сацыяльнай абароне Віцебскага аблвыканкаму Аляксандр Хрыстафораў. 

Шэраг допісаў мастака Віктара Барысенкава на старонцы ў Фэйсбуку прысвечаныя разважанням пра адбыванне арышту ў Віцебскім ІЧУ, які часова месціцца на тэрыторыі СІЗА-2.  46 асобных, адмыслова пранумараваных пастоў –  гэта не столькі апісанне  быту або распарадаку дня ў ізалятары, колькі рэфлексіі аўтара пра тое, як ён апынуўся за кратамі, з  якім стаўленнем да сябе сутыкнуўся і ці лічыць справядлівым пакаранне.

У адным з віцебскіх тэлеграм-каналаў  днямі быў размешчаны ліст ад 68-гадовай пенсіянеркі, былой настаўніцы найвышэйшай катэгорыі з Мёраў, якую  ўтрымліваюць у Віцебскім СІЗА-2. Змест кароткага ліста ад 31 студзеня сведчыць пра тое, што ў жанчыны тужлівы настрой і што яна вельмі спадзяецца на сяброўскую падтрымку.

Віцебскі праваабаронца Павел Левінаў, які знаходзіцца цяпер за межамі Беларусі, звярнуўся ў Міністэрства замежных спраў і Цэнтрвыбаркам з нагоды парушэння правоў беларусаў, якія жывуць за мяжой і таму не змогуць удзельнічаць у так званым «рэферэндуме». Нядаўна праваабаронца атрымаў адказы з ведамстваў.

Гараджане збіраюць перадачы ў Віцебскі СІЗА №2, дзе цяпер знаходзіцца былая настаўніцу з Мёраў, якую абвінавацілі ў распальванні сацыяльнай варожасці (арт. 130 КК) і абразе прадстаўніка ўлады (арт. 369 КК).
Калі чалавек апынуўся ў складаным жыццёвым становішчы, то яго абавязкова варта падтрымаць, лічыць віцебская актывістка Таццяна Севярынец.

38-гадовага жыхара Браслава прызналі вінаватым паводле трох артыкулаў Крымінальнага кодэксу – за заклікі да пратэстаў і распаўсюд інфармацыі пра пракурора Браслаўскага раёну, якую суд палічыў ілжывай (арт.188, ч.2 арт.203-1, ч.1 арт.342). 7 лютага справу Алега Раманчыка разбіраў суд Шаркаўшчыны і Шаркаўшчынскага раёну ў асобе суддзі Аксаны Табола.

Увосень 2020 года бацька і сын Віталь і Уладзіслаў Кузнечыкі з Віцебску, ратуючыся ад міліцыі, пераскочылі праз агароджу пасольства Швецыі ў Менску і папрасілі прытулку. На гэты крок іх штурхнула тое, што абодва сталі фігурантамі крымінальнай справы: яна была заведзеная пасля таго, як яны ўдзельнічалі ў шэсці за сумленныя выбары і супраць Лукашэнкі ў сваім родным горадзе.

26 студзеня супрацоўнікі МУС правялі ператрус і затрымалі 62-гадовага віцебскага актывіста Міколу Качурца. Пра гэта паведаміла жонка Міколы. Папярэдне, мужчыну затрымлівалі супрацоўнікі Першамайскага РАУС Віцебску. У выніку ператрусу канфіскавалі ноўтбук. Ранкам 27 студзеня стала вядома, што Качурэц змешчаны ў ізалятар часовага ўтрымання (ІЧУ) на 72 гадзіны.

20 студзеня суд Полацку і Полацкага раёну прысудзіў 38-гадовага Руслана Слуцкага да 11 гадоў пазбаўлення волі ў калоніі ўзмоцненага рэжыму. Мужчына прызнаны вінаватым у акце тэрарызму (ч. 1 арт. 289 КК) і замаху на прывядзенне ў непрыдатнасць чыгуначных шляхоў зносін (ч. 1 арт. 14, ч. 1 арт. 309 КК). Суд цягнуўся больш за месяц, бо пацярпелымі ў справе праходзіла каля 70 чалавек, паведамляе «Вясна».