Вельмі своеасабліва патлумачыў прысутным сувязь ваенізаваных дзеянняў з падтрыманнем міру ва ўсім свеце віцебскі ваенком і дэпутат аблсавета Руслан Шкодзін: Менавіта Узброеныя сілы забяспечваюць мірную працу нашых грамадзян, калі спакойна могуць працаваць школы, заводы, фабрыкі, мы можам сеяць зерне і ўбіраць. Таму вельмі сімвалічна, што гэтае мерапрыемства знаходзіцца пад эгідай адной з вайсковых частак».

«Школы міру» пачалі з“яўляцца на Віцебшчыне ў 2018 годзе, але асабліва заўважны гэты рух актывізаваўся пасля падзеяў 2020 года. Ідэалогі вырашылі, што трэба зрабіць патрыятычнае выхаванне больш інтэнсіўным. І пачалі масава ствараць, з аднаго боку, вайскова – патрыятычныя клубы, з другога - «Школы міру». Чым канкрэтна займаюцца ў апошніх, у адрозненне ад звычайных навучальных устаноў, сказаць цяжка. Паводле прадстаўнікоў «Беларускага фонду міру» - афіцыйнага заснавальніка гэтага праекта – вучні школ міра ўдзельнічаюць у патрыятычных мерапрыемствах, дапамагаюць ветэранам мінулай вайны і адзінокім людзям, займаюцца добраўпарадкаваннем вайсковых пахаванняў, помнікаў і мемарыялаў.

Аліна Птушка