Каго запрасілі на канферэнцыю, уключыўшы ў шэрагі «патрыятычных сіл Беларусі», так і застаецца незразумелым. Але ўсім прысутным старшыня  ЛДПБ параіў «забыть  свои  политические  программы  и  всем  вместе  работать на благо страны в это непростое время». Акрэсліваючы складанасці цяперашняга часу, Гайдукевіч заявіў, што «нынешняя  ситуация  на  Западе  показывает, что Евросоюз дестабилизирован, и о суверенитете многих стран уже говорить не приходится». Інакш  «все они были бы рады  сотрудничать  и  с  Россией, и с Беларусью».

Але бадай што самая вялікая складанасць, паводле Алега Гайдукевіча,  чакае Беларусь наперадзе – гэта прэзідэнцкія выбары 2024г. Ужо цяпер ён заклікае забыць досвед 2020-га году, але не паўтараць «памылак». Дэпутат Палаты прадстаўнікоў  прадказвае падчас будучых выбараў «ціск звонку», а таму  заклікае ўсе «патрыятычныя сілы Беларусі» працаваць разам. Супольныя задачы ён бачыць у тым, каб «ездзіць і зносіцца». Як паказала практыка першай з заяўленых канферэнцый, сродкі на «паездкі» у Алега Гайдукевіча ёсць, толькі вось “зносінаў” са звычайнымі людзьмі, а не з партактывам, пакуль не відаць.