На Віцебшчыне забаранілі правядзеньне пікетаў у гадавіну Чарнобыля
У Віцебску і Наваполацку мясцовыя ўлады забаранілі пікеты, прымеркаваныя да чарговай гадавіны Чарнобыльскай трагедыі. У Наваполацку заяўку на пікет падаваў Яўген Парчынскі, на што атрымаў адказ ад намесьніка старшыні гарвыканкаму Альберта Шакеля, які напісаў заяўніку, што пікет забараняецца, бо заяўка на яго правядзеньне пададзеная з парушэньнем дзеючага заканадаўства.
Работнікаў “Аршанскіх цепласетак” палохаюць Майданам і раяць ня езьдзіць ва Ўкраіну
Надоечы кіраўніцтва арганізацыі сабрала ўсіх работнікаў дзяржаўнай арганізацыі і распавяло падрабязнасьці падзеяў, якія адбыліся ва Ўкраіне. Пра гэта не без гіроніі распавядаюць рабочыя “Аршанскіх цепласетак”. У прыватнасьці, людзям паведамілі, што актывістам Майдану за ўдзел у мітынгах нібыта плацілі па тры тысячы даляраў ЗША.
Выснова расейскіх псыхіятраў: Правы доктара Ігара Пастнова былі парушаныя
Віцебскі лекар-псыхіятар Ігар Пастноў, які выступіў з крытыкай улады і падвергнуўся за гэта прымусоваму лячэньню ў закрытым аддзяленьні віцебскай вар’ятні, прайшоў экспэртызу ў Маскве, у Незалежнай псыхіятрычнай асацыяцыі Расеі (НПАР). Мэдычны агляд стаўся магчымым дзякуючы падтрымцы Магілёўскай праваабарончай групы і ПЦ “Вясна”.
Віцебскі аблвыканкам ігнаруе беларускую мову
Актывіст Партыі БНФ Кастусь Смолікаў напісаў у аблвыканкам электронны зварот: прапанаваў, каб на інтэрнэт-сайце аблвыканкаму была беларускамоўная вэрсія. Адказ ад ідэалягічнага аддзелу быў кароткі: сайт быў і будзе толькі на расейскай мове. Бо гэта не супярэчыць заканадаўству. А інтарэсы грамадзян ніхто ўлічваць не зьбіраецца.
У Бешанковічах разбурылі гаражы мясцовых жыхароў
У сувязі з будаўніцтвам моста праз Заходнюю Дзьвіну былі зруйнаваныя гаражы па вуліцы Ясеніна. Яшчэ раней іх уладальнікі былі папярэджаныя пра тое, што гаражы будуць перашкаджаць будаўніцтву моста, якое мусіць распачацца праз год-два. Нязгодныя спрабавалі шукаць праўды і пісаць вышэйшым чыноўнікам аж да Лукашэнкі. Але безпасьпяхова.
Наваполацкія актывісты плянуюць зладзіць пікет на ўгодкі выбуху на Чарнобыльскай АЭС
Заяўку на акцыю ў Наваполацку падаў актывіст аргкамітэту па стварэньні грамадзкага аб’яднаньня «Свабодны регіён» Яўген Парчынскі. Пікет заплянаваны на 26 красавіка, гэтая акцыя «будзе мець і экалягічны, і палітычны характар. Бо аварыя на чарнобыльскай АЭС была ня толькі тэхнагеннай катастрофай, але і палітычнай праблемай, створанай савецкім рэжымым, які доўгі час хаваў наступствы Чарнобыля». Акцыю наваполацкія дэмакраты хочуць правесьці пад лёзунгамі «Свабода. Праўда. Справядлівасьць».
Пракуратура вынесла папярэджаньне віцебскай журналістцы
15 красавіка Сьвятлана Сьцяпанава наведала Віцебскую абласную пракуратуру ў суправаджэньні віцебскага праваабаронцы Паўла Левінава. У пракуратуры палічылі, што незалежная журналістка зь Віцебску без акрэдытацыі супрацоўнічае з замежным СМІ – беларускай службай “Польскага радыё для замежжа”.
Крэўныя расстралянага Ўладзіслава Кавалёва дамагаюцца раскрыцьця інфармацыі пра месца яго пахаваньня
Вярхоўны суд лічыць скаргу родных Уладзіслава Кавалёва адносна месца пахаваньня расстралянага непадведамаснай агульным судам. Такое рашэньне ўтрымліваецца ў адказе на скаргу Любові Кавалёвай і Тацьцяны Казяр за подпісам намесьніка старшыні Вярхоўнага суду Андрэя Забары. У рашэньні паведамляецца пра тое, што рашэньні суду Кастрычніцкага раёну Менску і Калегіі па грамадзянскіх справах Менскага гарадзкога суду аб непадведамаснасьці разгляду скаргі агульным судам застаюцца ў моцы.
У дачыненьні да журналісткі Алены Сьцяпанавай вядзецца адміністрацыйны працэс
Пра гэта Алена Сьцяпанава даведалася 17 красавіка, наведаўшы Кастрычніцкі РАУС Віцебску. Старшы інспэктар аддзелу аховы правапарадку і прафіляктыкі Сяргей Вяракса хацеў атрымаць ад журналісткі тлумачэньні адносна матэрыялу “Віцебскія школьнікі адмаўляюцца вучыць гімн”, разьмешчаны ў студзені бягучага году на сайце “Радыё Свабода”. Матэрыял нікім не падпісаны.
Павал Севярынец верыць у магчымасьць абраньня адзінага кандыдата ад апазыцыі
«Імавернасьць выхаду на адзінага кандыдата ёсьць, яна досыць высокая. Падзеі ва Ўкраіне, агрэсія з боку Расеі паказалі, наколькі ўсё сур’ёзна, што мы можам страціць краіну, калі ня будзем рэалізоўваць моцныя сцэнары», - заявіў сустаршыня аргкамітэту па стварэньні партыі «Беларуская хрысьціянская дэмакратыя», былы палітвязень Павал Севярынец.