Губарэвіч: Толькі масавы пратэст змусіць улады адмовіцца ад “паглыбленай інтэграцыі”
Рух “За свабоду” правёў 22 верасьня ў Віцебску абласны сход. Удзельнікі абмеркавалі бягучую палітычную сытуацыю напярэдадні парлямэнцкіх выбараў, абралі дэлегатаў на менскі зьезд.
Фотафакт: у Вушачах адкрылі памятную шыльду ў гонар Барадуліна, Лось і Гарбука
Памятную шыльду ў гонар знакамітых выпускнікоў – Рыгора Барадуліна, Еўдакіі Лось і Генадзя Гарбука – адкрылі ў Вушацкай сярэдняй школе. Дошку ўсталявалі напярэдадні афіцыйнага сьвяткаваньня 95-годзьдзя Вушацкага раёну, якое адбылося ў райцэнтры на мінулых выходных.
Невядомы мужчына напаў на аднаго зь пікетоўцаў у Віцебску
На неадэкватныя паводзіны аднаго зь віцяблян справакавалі лёзунгі “Не расейскай акупацыі!” і “Не саюзнай дзяржаве!”, зь якімі пікетавалі ў цэнтры Віцебску сябры ініцыятыўнай групы старшыні гарадзкой арганізацыі АГП Ірыны Яскевіч. Мужчына накінуўся на аднаго зь пікетоўцаў, садраў зь ягонай вопраткі плякат і рэціраваўся…
“Паставілі перад фактам”. Студэнтаў ВДУ заганяюць зьбіраць яблыкі ў Талачыне
Віцебскім студэнтам ВДУ імя Машэрава паведамілі ў дэканатах, што яны мусяць адпрацаваць некалькі тыдняў на зборы яблыкаў у садах Талачынскага кансэрвавага заводу. Шмат каму са студэнтаў такі загад прыйшоўся не да спадобы…
Назіральнік: выбарчая кампанія ў Віцебску ідзе па сцэнары Ярмошынай
12 верасьня скончыўся этап падачы дакумэнтаў для рэгістрацыі ініцыятыўных групаў па зборы подпісаў выбаршчыкаў. Чатыры акруговыя выбарчыя камісіі, якія разьмешчаныя ў межах Віцебску, зарэгістравалі 19 ініцыятыўных групаў грамадзян.
Памылка 404. Чаму ўлады інфармуюць пра выбары толькі па-расейску – скарга
Старшыня Віцебскай абласной Рады партыі БНФ Канстанцін Смолікаў паскардзіўся ў абласны выбаркам на тое, што на інтэрнэт-старонцы камісіі па выбарах ігнаруецца дзяржаўная беларуская мова. Ня маюць беларускамоўных вэрсіяў і іншыя старонкі на дзяржаўных інтэрнэт-рэсурсах, якія інфармуюць аб ходзе выбарчай кампаніі.
Помнік ахвярам савецкага тэрору адкрылі ва ўрочышчы Хайсы – у “віцебскіх Курапатах”
Помнік ахвярам бальшавіцкага тэрору, забітым ва ўрочышчы Хайсы ў 1937-1941 гадох, адкрылі 14 верасьня на ўскрайку “расстрэльнага” лесу. Удзел у імпрэзе ўзялі жыхары навакольных вёсак, грамадзкія актывісты зь Віцебску, Менску ды Воршы. Помнік асьвяціў каталіцкі сьвятар Віктар Місевіч.
У Полацку пікетоўцаў праганяюць з цэнтру гораду пры дапамозе пад’ёмнага крану
У Полацку на месца, дзе ладзіўся перадвыбарчы пікет, мясцовыя ўлады прыгналі пад’ёмны кран і пачалі раптам ламаць амаль новыя мачты вулічнага асьвятленьня. Зборшчыкі подпісаў мяркуюць, што ўсё рабілася знарок – каб сарваць пікет апазыцыйнага прэтэндэнта ў кандыдаты.
Былому памочніку сэнатара Гайдукевіча часткова зьмянілі прысуд
Судовая калегія па крымінальных справах Віцебскага абласнога суду разгледзела апэляцыйныя скаргі былога старшыні абласной арганізацыі ЛДП Сяргея Ярмыкіна і ягонага паплечніка Юрыя Мярзьленкі на вырак суду Віцебскага раёну ад 27 траўня. Паводле яго яны атрымалі адпаведна 5 і 7 гадоў зьняволеньня за махлярства ў асабліва буйным памеры.
Віцебскі райвыканкам хацеў аштрафаваць гаспадара сядзібы Адамава – не атрымалася
Віцебскага прадпрымальніка Максіма Жукава, які набыў у Вялікіх Лётцах панскую сядзібу батаніка Адамава, выклікалі 9 верасьня ў Віцебскі райвыканкам. Чыноўнікі хацелі аштрафаваць уладальніка сядзібы за ня скошаную траву, але – не атрымалася...