У лютым у Віцебскім СІЗА больш за тыдзень трымаў галадоўку пратэсту былы мытнік з Пастаў Мікалай Куляшоў, на якога завялі справу нібыта за напад на памежніка. Раней Мікалай Куляшоў абвінаваціў двух памежнікаў у кантрабанднай дзейнасьці, але ягоную заяву пакінулі без рэагаваньня.

«Сінія кіты» падбухторваюць падлеткаў да суіцыду. Выпадкаў самагубстваў на глебе небясьпечных гульняў у Беларусі пакуль – не зафіксавана. Аднак пацярпелыя ўжо ёсьць. У Віцебску па факце спробы самагубства старшаклясьніцы распачатая крымінальная справа.

У Віцебску 3 сакавіка быў вынесены прысуд групе хлопцаў, якіх абвінавачвалі ў злосным хуліганстве, распальваньні расавай і нацыянальнай варожасьці, іншых злачынствах. Ключавы фігурант справы – 20-гадовы жыхар Віцебску Станіслаў Ганчароў, які ваяваў ва Ўкраіне на баку АТА і вядомы па мянушцы Тэрор-машына, атрымаў 7 гадоў калёніі ўзмоцненага рэжыму.

Згодна з высновамі супрацоўнікаў Віцебскага аддзелу Сьледчага камітэту, 51-гадовая дырэктарка турыстычнай агенцыі прысабечыла звыш 235 тысяч рублёў кліентаў. Крымінальная справа перададзеная пракурору дзеля далейшага накіраваньня ў суд.

Жыхар Лёндану Алан Сьміт знаходзіцца ў сьледчым ізалятары Віцебску ўжо два месяцы. Хоць мясцовыя праваабаронцы даведаліся пра крымінальную справу, распачатую ў дачыненьні да грамадзяніна Вялікай Брытаніі, зусім нядаўна, у іх ёсьць усе падставы падазраваць, што яго правы ўсяляк парушаюцца.

У Воршы асудзілі паклёпніка. Згодна з рашэньнем суду, пацярпелыя – пракурор, судзьдзя і сьледчы.

У дачыненьні да стваральніка і каардынатара фонду «Добро твори» Дзяніса Тамашэвіча распачалі другую крымінальную справу. Пра гэта ў этэры «Альфа Радыё» паведаміла афіцыйная прадстаўніца Сьледчага камітэту Юлія Ганчарова.

7 верасьня ў залі Віцебскай абласной філярмоніі прайшлі ўрачыстыя мерапрыемствы ў сувязі зь пяцігадовым юбілеем, які 12 верасьня адзначае Сьледчы камітэт Рэспублікі Беларусь.

У межах паседжаньня калегіі пракуратуры Віцебскай вобласьці адбылося падвядзеньне вынікаў працы за першыя 6 месяцаў гэтага году і акрэсленьне задач, якія змогуць у далейшым павысіць эфэктыўнасьць нагляднай дзейнасьці ў рэгіёне.

У адносінах да трох службовых асобаў, якія працавалі на адным з гарадоцкіх прадпрыемстваў, заведзеная крымінальная справа. Упраўленьне Сьледчага камітэту абвінавачвае іх у злоўжываньні ўладай і службовымі паўнамоцтвамі пры набыцьці жытла.