«Як я мог яе забіць, калі яна мне дапамагала?» – у Віцебску судзяць турка
20 жніўня ў Віцебскім абласным судзе пачалося слуханьне справы ў дачыненьні да замежніка, які абвінавачваецца ў забойстве грамадзянкі Банглядэш. На лаве падсудных апынуўся Геклік Байрам, грамадзянін Турэччыны 1984 году нараджэньня. Яму пагражае зьняволеньне да 25-ці гадоў альбо сьмяротнае пакараньне.
Кошт трох палак кілбасы, бутэлькі каньяку і каробкi цукерак: 4 гады зьняволеньня
8 жніўня суд Расонскага раёну прызнаў 56-гадовага дырэктара камунальнага ўнітарнага сельскагаспадарчага прадпрыемства «Краснапольле» Сяргея Карпенку, які кіраваў гаспадаркай 24 гады, вінаватым у атрыманьні хабару шляхам вымаганьня.
Віцебскі лідэр прафсаюзу РЭП: Справа супраць Фядыніча і Комліка змайстраваная зь нічога
У Віцебску 9 ліпеня адбылася сустрэча сябраў мясцовай філіі прафсаюзу працаўнікоў радыёэлектроннай электроннай прамысловасьці (РЭП). Прысутнічала больш за дзясятак актывістаў арганізацыі на чале з Георгіем Разумавым, кіраўніком філіі. Свайго офіса віцебская прафсаюзная суполка пазбавілася летась, таму сустракаліся на «нэўтральнай тэрыторыі» – у кафэ.
У Віцебску можа быць вынесены сьмяротны вырак у дачыненьні да замежніка
У разбойным нападзе і жорсткім забойстве, зьвязаным з разбоем, абвінавачваецца беспрацоўны 34-гадовы грамадзянін Турэччыны, які, паводле вэрсіі сьледзтва, задушыў у Віцебску дзяўчыну з Банглядэш. Сьледчы камітэт завяршыў расьсьледаваньне. Матэрыялы крымінальнай справы перададзеныя пракурору для накіраваньня ў суд. Санкцыя артыкулу крымінальнага кодэксу, па якім выстаўленае абвінавачаньне, прадугледжвае выключную меру пакараньня ў выглядзе сьмяротнай кары.
Муж і жонка кіравалі Браслаўскім раёнам. Абое арыштаваныя
У Браславе па падазрэньні ў карупцыі затрыманыя Ўладзімер і Алена Дранеўскія – старшыня Браслаўскага раённага выканаўчага камітэту і начальнік аддзелу эканомікі райвыканкаму, адпаведна.
У кватэры віцебскага лекара-«праўдаруба» праведзены ператрус. Яму пагражае крымінальная справа
Надоечы лекар-псыхіятар Ігар Пастноў, вядомы сваёй крытыкай мясцовых уладаў, разьмясьціў у сеціве шэраг эмацыйных тэкстаў і відэазваротаў, у якіх паведаміў, што супраць яго можа быць распачатая крымінальная справа. Паводле Пастнова, 18 траўня ў ягонай кватэры прайшоў ператрус, а ён сам быў апытаны сьледчымі адносна датычнасьці да выдаваньня дзяржаўных сакрэтаў, якія могуць нанесьці шкоду Рэспубліцы Беларусь.
Японскі мастак Даічы Ёшыда, які правёў 1 год і 9 месяцаў за кратамі, выйшаў на волю
Японец адбываў пакараньне ў папраўчай калёніі №3 пад Віцебскам. Ён быў асуджаны за нелегальны перавоз агнястрэльнай зброі. 22 траўня Даічы вызвалілі, 23 траўня ў менскім аэрапорце яго сустрэлі маці і брат. Яму забаронены ўезд у Беларусь на 5 гадоў.
Прапаршчык, які параніў салдата-рэкрута, прысуджаны да пяці гадоў зьняволеньня
Да пяці гадоў пазбаўленьня волі прысуджаны прапаршчык, па віне якога на палігоне Лосьвіда пад Віцебскам пацярпеў салдат тэрміновай службы. Пра гэта паведамілі ў Віцебскім абласным судзе.
Сьведка па справе прафсаюзу РЭП: На якой падставе мяне падазраюць у нядобрапрыстойнасьці?
Канец студзеня – пачатак лютага 2018 году адзначыўся масавымі выклікамі ў сьледчыя органы грамадзянскіх актывістаў і сябраў прафсаюзу РЭП з усіх рэгіёнаў краіны. Ня стала выключэньнем і Віцебшчына. Сярод тых, хто быў апытаны ў якасьці сьведкі па крымінальнай справе, распачатай супраць кіраўніцтва прафсаюзу, апынуўся віцебскі юрыст і праваабаронца Валер Місьнікаў, які пасьля наведваньня габінэту сьледчага вымушаны быў зьвярнуцца ў пракуратуру.
Віцябчанка, апраўданая па справе пра хатнія роды, будзе патрабаваць кампэнсацыю за арышт
У Віцебскім абласным судзе 25 студзеня завяршыўся паўторны разгляд крымінальнай справы Вольгі Сьцяпанавай, раней асуджанай за сьмерць дзіцяці падчас хатніх родаў. Справа разглядалася ў закрытым рэжыме. Судзьдзя абласнога суду Галіна Бондал абвясьціла вырак, у якім Вольгу Сьцяпанаву прызналі невінаватай у сувязі з адсутнасьцю злачынства.