«Хаця я і тлумачыў, што гэта агітацыйная кампанія ідзе. Але яны кажуць, не, усё роўна патрэбна дазвол браць. Я ім кажу, няма ў каго браць дазвол – няма легітымнай улады. Я ж таму і з плякатам стаяў, што незаконныя выбары і незаконная палатка. Трэба байкатаваць гэта. Менавіта ўсё гэта цягнецца з 1996 году, калі адбыўся антыканстытуцыйны пераварот. І гэта аснова – чаму нельга ўдзельнічаць у гэтых так званых выбарах. Таму што няма прававога грунту. Бо калі б дзейнічала Канстытуцыя 1994 году, то ўсё б было законна і легітымна».
Паводле словаў Барыса Хамайды, у Віцебску гэта быў першы агітацыйны пікет за сёлетнюю парлямэнцкую выбарчую кампанію. Кандыдаты ў дэпутаты пакуль не пачыналі вулічнай агітацыі.